Ажәамаанақәа
31 Аҳ Лемуи́л иажәақәа, иан иалҳәаз акрызҵазкуа ажәақәа.
2 Иуасҳәари, сыҷкәын?
Иуасҳәари, сымгәарҭа иҭыҵыз,
Сҿаҭахьақәа рԥа?
3 Умчқәа аҳәса ирықәумырӡлан,
Аҳцәа ҭазырхо амҩақәа урнымлан.
4 Ирыхәҭам аҳцәа, Лемуи́л,
Ирыхәҭам аҳцәа аҩыжәра,
Арыжәтә иашьҭамзароуп анапхгаҩцәа.
5 Мамзар ианыржәлак, азакәан рхашҭуеит,
Нас арыцҳацәа рзинқәа еиларгоит.
6 Ирышәҭ арыжәтә аҭахара иаҿу,
Ирышәҭ аҩы згәы ахьаа ҭоу.
7 Иржәааит, рӷарра атәгьы рхашҭааит,
Уаҳа ргәырҩагьы ргәаламшәалааит.
8 Зхы ахьчара злымшо ухьчарц азы урыдгыланы уцәажәала,
Аҭахара иаҿу рзинқәа хьчала.
9 Иухьчарц азы урыдгыланы уцәажәала, рус ииашаны иӡбала,
Арыцҳацәеи аӷарцәеи рзинқәа хьчала.
א [а́леф]
10 Аԥҳәыс бзиа дзыԥшаар зылшода?
Уи акораллқәа* раасҭа акырӡа лыхә ҳаракуп.
ב [бет]
11 Лхаҵа гәык-ԥсыкала лыгәра игоит,
Иара ииҭаху зегь имоуп.
ג [ги́мел]
12 Лыԥсы ахьынӡаҭоу лара лхаҵа
Бзиарамзар цәгьара изылуӡом.
ד [да́лет]
13 Лара аласеи ақәни аалхәоит,
Лнапала акы аҟаҵара бзиа илбоит.
ה [хе]
14 Ихәаахәҭуа аӷбақәа реиԥш,
Лара харантәи афатә аалгоит.
ו [вав]
15 Лара ишылашьцоу дгылоит,
Лыҩнаҭа иатәу рзы афатә лырхиарц азы,
Лымаҵ зуа аҳәса ирфаша лырмазеирц азы.
ז [за́иин]
16 Лара адгьыл аалхәарц лыӡбоит, иагьаалхәоит,
Лџьабаала илырҳаз ала аӡахәаҭра еиҭалҳауеит.
ח [хет]
17 Лара имариам аус лҽазылкуеит,
Лнапы мырааԥсаӡакәа аус алыруеит.
ט [тет]
18 Лара илбоит лхәаахәҭратә ус ахашәалахәы шамоу,
Лкәаҷаб уахынлагьы ицәаӡом.
י [иод]
19 Лара лнапы ахахага акуп,
Адырды кны дхахоит*.
כ [каф]
20 Лара арыцҳацәа дрыцхраауеит,
Аӷарцәа рзгьы акгьы деигӡаӡом.
ל [ла́мед]
21 Лара ахьҭақәа аныҟоу лыҩнаҭа иатәу рзы лгәы ҭынчуп,
Избанзар зегьы маҭәа ԥхала еилаҳәоуп.
מ [мем]
22 Лара лхаҭа аиарҭақәыршәқәа ҟалҵоит,
Лымаҭәа ақәни апурпурԥштәы змоу аласеи ирылхуп.
נ [нун]
23 Лхаҵа ақалақь агәашә аҿы ибзианы дырдыруеит,
Ажәлар реиҳабацәа дахьрыдтәалоу агәашә аԥхьа.
ס [са́мех]
24 Лара ақәны иалху амаҭәа* ӡахны илҭиуеит,
Ахәаахәҭцәа амаҟақәа даалырхәоит.
ע [а́иин]
25 Лара агәымшәара лылоуп, ауаа пату лықәырҵоит,
Дымшәаӡакәа ԥхьаҟа дыԥшуеит.
פ [пе]
צ [ца́де]
27 Лара лыҩны иҟоу аусқәа дырхылаԥшуеит,
Усда ахаангьы дтәаӡам.
ק [коф]
28 Лхәыҷқәа ҩагыланы насыԥ змоу ҳәа лзырҳәоит,
Лхаҵа дҩагыланы дырҽхәо иҳәоит:
ר [реш]
29 «Имаҷымкәа аҳәса бзиақәа ыҟоуп,
Аха бара зегьы бреҩсуеит».
ש [шин]
30 Улаԥш зыдхало уажьар ауеит, аԥшӡарагьы аамҭалоуп ишыҟоу,
Аха Иегова ицәшәо аԥҳәыс арҽхәара даԥсоуп.
ת [тав]
31 Иҟалҵо зегь азы илықәнаго лышәҭ,
Лусқәа рзы ақалақь агәашә аԥхьа ддырҽхәалааит.