Isihloko Sonyaka Ka-2011

‘Phephelani egameni likaJehova.’—ZEFANIYA 3:12.

“Yonke indalo iyaqhubeka ibubula kanyekanye futhi isezinhlungwini kanyekanye kuze kube manje.” (Roma 8:22) La mazwi aphefumulelwe awanakuphikiswa. Izigidi zabantu ziye zabhekana nokungabi nabulungisa, ukucindezelwa, izinhlekelele zemvelo, ukugula, ububha, izimpi nobugebengu. Thina esikhonza uJehova asigomekile kulezi zinto. Ngaphezu kwalokho, njengoJesu siyeyiswa, sizondwe futhi sishushiswe.

Naphezu kwezinkinga zezwe likaSathane, asipheli amandla. Kunalokho, siyajabula ngokwazi ukuthi maduze uJehova uzokuqeda konke ukuhlupheka emhlabeni. Ithemba lethu likuye. Yebo, siphephela kuJehova, ongabadumazi nanini abaqotho bakhe.