Lungiselela Izimpendulo Ezakhayo

Emihlanganweni yethu yebandla, sinelungelo lokukhuthaza abafowethu nodadewethu ngezimpendulo zethu. (Heb. 10:​24, 25) Singazilungiselela kanjani izimpendulo ezikhuthaza ngempela?

• Thandaza kuJehova. Mcele akusize uphendule ngendlela eletha udumo kuye nekhuthazayo kwabanye.—IHu. 35:18.

• Zama ukuba ungamane nje uyifunde phansi njengoba injalo impendulo yakho. Lapho uphendula ngamazwi akho, abanye bayozuza njengoba bekuzwa uveza ukholo lwakho kuJehova.

• Gcina izimpendulo zakho zimfushane. Ngokuvamile izimpendulo ezimfushane nezilula ziyakhuthaza kakhulu futhi zenza nabanye bakwazi ukuphendula emihlanganweni.—IzAga 10:19.

• Hlale unikeza izimpendulo ezakhayo. Gwema ukusebenzisa izimpendulo zakho ukuze weluleke noma ugxeke ibandla noma okholwa naye.

Ngisho noma ungakhonjwanga, usengabakhuthaza abanye. Lalelisisa futhi ubancome abanye ngezimpendulo zabo.—IzAga 10:21.