Okungakusiza Ukuze Ufunde IBhayibheli Nsuku Zonke

Ngenxa yezinto eziningi okudingeka uzenze, ingabe ukuthola kunzima ukufunda iZwi likaNkulunkulu nsuku zonke? (Josh. 1:8) Uma kunjalo, zama okunye kwalokhu kusikisela okulandelayo:

• Cupha i-alamu. Cupha i-alamu emshinini wakho wezobuchwepheshe ukuze likukhumbuze ukuba ufunde iBhayibheli.

• Beka iBhayibheli lakho endaweni esobala. Uma usebenzisa iBhayibheli elinyathelisiwe, libeke endaweni la okuzoba lula khona ukulibona nsuku zonke.—Dut. 11:18.

• Lalela iBhayibheli elirekhodiwe. Lalela iBhayibheli elirekhodiwe lapho wenza imisebenzi yansuku zonke. UTara, umama oyiphayona osebenza ebusuku uthi, “Ukulalela iBhayibheli elirekhodiwe njengoba ngenza imisebenzi yasendlini kungisiza ukuba ngilifunde nsuku zonke.”

• Phikelela. Uma izimo ezingalindelekile ziphazamisa uhlelo lwakho lokufunda iBhayibheli, funda okungenani amavesi ambalwa ngaphambi kokuba uyolala. Ngisho noma ufunda amavesi ambalwa, usengazuza.—1 Pet. 2:2.