Funda Unomgomo Wokuxoxela Abanye Okufundile

Ukutadisha kungasiqabula, kodwa singaqabuleka ngisho nakakhulu lapho sixoxela abanye amagugu angokomoya akhuthazayo esiwathole lapho sitadisha. IzAga 11:25 zithi: “Noma ubani owenza abanye baqabuleke naye uyoqabuleka.”

Ukuxoxela abanye esikufundile kusisiza ukuba siwakhumbule kalula amaphuzu futhi sikuqonde kakhudlwana esikufundile. Ngenxa yokuthi lawo maphuzu angabazuzisa nabanye, kuyasijabulisa ukubaxoxela lawo magugu.—IzE. 20:35.

Zama lokhu: Ngeviki elizayo funa ithuba lokuxoxela othile lokho okufundile. Ungaxoxela ilungu lomndeni, othile onaye ebandleni, umuntu osebenza naye, ofunda naye, umakhelwane noma umuntu ohlangana naye enkonzweni yasensimini. Zama ukumxoxela lokho okufundile usebenzisa amazwi akho, umchazele ngendlela elula necacile.

Khumbula: Xoxela abanye lokho okufundayo ukuze ubakhuthaze, hhayi ukuze ubabonise ukuthi wena unolwazi olungakanani.—1 Kor. 8:1.