Izintshumayelo Ezisikiselwe

Zokuqala Izifundo ZeBhayibheli NgoMgqibelo Wokuqala Ngo-September

“Abantu abaningi bakholelwa ezingelosini. Uyakholelwa wena? [Lindela impendulo.] Njengezidalwa zomoya, izingelosi zinamandla kakhulu, kodwa ucabanga ukuthi zingasisiza? IBhayibheli lisitshela ngendlela ezibasiza ngayo abantu namhlanje.” Mbonise ikhasi elingemuva le-Nqabayokulinda ka-September 1, nixoxe ngendaba engaphansi kombuzo wokuqala bese nifunda okungenani umBhalo owodwa kwekhonjiwe. Mhambisele omagazini, bese uhlela ukubuya nizoxoxa ngombuzo olandelayo.

INqabayokulinda September 1

“Ingabe unomuzwa wokuthi abantu sebewonakalise ngendlela engenakulungiseka umhlaba? [Lindela impendulo.] Nakuba abantu bengenakukwazi ukulungisa umonakalo abawenzile, iBhayibheli lisitshela ukuthi uNkulunkulu angakwazi ukuwulungisa futhi uyafisa ukuwulungisa. Encwadini yeHubo 65:9 siqinisekiswa ngalokhu. [Yifunde.] Le Nqabayokulinda ixoxa ngendlela uNkulunkulu azowulungisa ngayo umhlaba nangendlela esingazijabulela ngayo lezi zibusiso zesikhathi esizayo. Ngingakushiyela uzifundele yona?”

Phaphama! September

“Abaningi banomuzwa wokuthi bagqilazwa abaqashi babo futhi abayiboni indlela yokubalekela lokhu kucindezelwa. Abacwaningi bathi ukusebenza ngokweqile kungaholela ekukhandlekeni, okungabangela izinkinga ezingokomzimba nezingokomzwelo. Ucabanga ukuthi yini engasiza umuntu abe nokuphila okulinganiselayo? [Lindela impendulo.] Yizwa okushiwo yileli vesi leBhayibheli. [Funda umShumayeli 4:6.] Lo magazini uchaza izindlela ezine ezingasisiza senze izinguquko ezintweni eziza kuqala nezokubhekana nokukhandleka kwasemsebenzini.”