Ongakusho Ngomagazini

INqabayokulinda February 1

“Ingabe ucabanga ukuthi uNkulunkulu ulalela yonke imithandazo? [Lindela impendulo.] Phawula lokho uJesu akusho ngale ndaba. [Funda uMathewu 6:7.] Lesi sihloko esithakazelisayo sinikeza impendulo yeBhayibheli emibuzweni emine abantu abavame ukuyibuza.” Mbonise isihloko esiqala ekhasini 16.

Phaphama! February

“Abaningi bakholelwa ukuthi sekunqunyiwe kakade ukuthi siyophelelaphi ekuphileni. Wena ucabangani? [Lindela impendulo.] Ngokwaleli vesi, singazikhethela. [Funda uDuteronomi 30:19.] Lesi sihloko sichaza lokho iBhayibheli elikushoyo ngokunqunyelwa kusengaphambili.” Qokomisa isihloko esiqala ekhasini 12.

INqabayokulinda March 1

“Ingabe ucabanga ukuthi konke okwenzeka ekuphileni kwanqunywa kusengaphambili? [Lindela impendulo.] Phawula lokho okushiwo iBhayibheli ngale ndaba. [Funda umShumayeli 9:11.] Lo magazini uchaza ukuthi nakuba uNkulunkulu enqume ukuthi umhlaba uzoba nekusasa eliqhakazile, uvumela ngamunye wethu ukuba azikhethele inkambo afuna ukuyilandela ekuphileni.”

Phaphama! March

“Abaningi namuhla bakhathazekile ngenxa yemali, ikakhulukazi kulezi zikhathi ezinzima kwezomnotho. Awuvumi? [Lindela impendulo.] Phawula lesi seluleko esinokulinganisela. [Funda eyoku-1 Thimothewu 6:8, 10.] Lo magazini uchaza ezinye izimiso zeBhayibheli ezingasisiza ukuba sinakekele izindaba zethu zezimali ngendlela esilethela ukuthula kwengqondo.”