Ongakusho Ngomagazini

INqabayokulinda Oct. 1

“Ochwepheshe bayakuqaphela ukubaluleka kwendima kababa ekuphileni komkhaya. Ucabanga ukuthi yini eyenza umuntu abe ubaba omuhle? [Lindela impendulo.] UJesu wagcizelela indlela isibonelo sikaYise esamsiza ngayo. [Funda uJohane 5:19.] Lesi sihloko sichaza izinto eziyisithupha ezibalulekile eziyindima kababa.” Khulumela isihloko esiqala ekhasini 18.

Phaphama! Oct.

“Abantu bezinkolo ezihlukahlukene banemibono engqubuzanayo ngokuthi unjani ngempela uNkulunkulu. Kodwa iNdodana kaNkulunkulu yamchaza kanjani uYise? Phawula amazwi kaJesu kuJohane 4:24. [Funda.] Emakhasini nje amabili, lesi sihloko sichaza umbono weBhayibheli ngalo mbuzo, “Unjani uNkulunkulu?” Khulumela isihloko esisekhasini 24 no-25.

INqabayokulinda Nov. 1

“Abantu abaningi abakwazi ukuvumelanisa ukukholelwa kwabo kuNkulunkulu onothando nemfundiso yokuhlushwa kuze kube phakade. Wena ucabangani? [Lindela impendulo.] IBhayibheli lifundisa ngokucacile ukuthi uNkulunkulu akanalo unya noma impindiselo. [Funda uHezekeli 18:23.] Uzozijabulela izizathu ezingokomBhalo ezichazwa kulo magazini.”

Phaphama! Nov.

“Abantu bavame ukuhlobanisa impumelelo nodumo, ingcebo, noma amandla. Ungayichaza kanjani impumelelo? [Lindela impendulo.] Phawula ukuthi iBhayibheli lithi yini eholela empumelelweni. [Funda iHubo 1:1-3.] Lesi sihloko sichaza izihluthulelo eziyisithupha zempumelelo.” Khulumela isihloko esiqala ekhasini 6.