Esikukhunjuzwayo NgeSikhumbuzo

Kulo nyaka iSikhumbuzo singoLwesithathu, April 16. Abadala kufanele baqikelele lokhu okulandelayo:

◼ Lapho nimisa isikhathi somhlangano, qinisekani ukuthi izifanekiselo azidluliswa lingakashoni ilanga.

◼ Wonke umuntu, kuhlanganise nesikhulumi, kufanele aziswe isikhathi nendawo enembile yalo mkhosi.

◼ Kufanele kutholwe futhi kulungiswe uhlobo olufanele lwesinkwa newayini.—Bheka INqabayokulinda ka-February 15, 1985 ekhasini 19.

◼ Amapuleti, izingilazi netafula elifanele nendwangu yalo kufanele kulethwe ehholo futhi kuhlelwe ngaphambi kwesikhathi.

◼ IHholo LoMbuso noma leyo ndawo okuzohlanganwa kuyo kufanele ihlanzisiswe ngaphambi kwesikhathi.

◼ Abalindi kanye nabazohambisa izifanekiselo kufanele bakhethwe kusengaphambili futhi bachazelwe kahle ngemisebenzi yabo, indlela efanele okumelwe benze ngayo, nangesidingo sokugqoka nokuzilungisa ngendlela ehloniphekile.

◼ Kufanele kwenziwe amalungiselelo okuhambisa izifanekiselo kwabagcotshiwe abangakwazi ukuba khona ngenxa yokuba buthaka emzimbeni.

◼ Uma umuntu osusiwe edla izifanekiselo, akufanele abalwe njengodlile kodwa kufanele abalwe njengobekhona.—Bheka INqabayokulinda ka-February 1, 1976, ikhasi 76.

◼ Uma iHholo LoMbuso lizosetshenziswa amabandla angaphezu kwelilodwa, kufanele kube khona ukusebenzisana okuhle phakathi kwamabandla ukuze kugwenywe ukuminyana okungadingekile ezindaweni zokungena, zokuhamba umphakathi nasendaweni yokupaka. Uma kungenzeka, kuhle ukuba imihlangano yeSikhumbuzo ishiyane ngemizuzu engu-45.