Ongase Ukusho Ngomagazini

INqabayokulinda Feb. 15

“Wake wazibuza yini ukuthi ungakuqondisa kanjani ukuphila kwakho kangcono futhi uzenze kanjani izinqumo ezibalulekile? [Lindela impendulo.] Ezinye zeziqondiso ezingcono kakhulu, njengoMthetho Wegolide, zitholakala eBhayibhelini. [Funda uMathewu 7:12.] Yiziphi ezinye zezimiso zikaNkulunkulu ezingasizuzisa ngokuqondile? Impendulo uzoyithola kulo magazini.”

INqabayokulinda Mar. 1

“Ngenxa yakho konke okwenzekayo namuhla, abaningi bethu bayazibuza ukuthi ikusasa lisiphatheleni. Emthandazweni wakhe odumile, uJesu Kristu wembula isizathu sokuba sibheke esikhathini esizayo ngethemba. [Funda uMathewu 6:9, 10.] Isintu siphinda amaphutha enziwa esikhathini eside esidlule. Kodwa ngalezo zinsuku, labo ababekhonza uNkulunkulu babenekusasa elijabulisayo. Lo magazini ubonisa indlela nathi esingaba nalo ngayo.”

Phaphama! Mar. 8

“Kungenzeka uphawulile ukuthi izindawo eziningi zomsebenzi seziyingozi kakhulu. Lo magazini unokusikisela okuhle kokuthi zingenziwa kanjani zilondeke kakhudlwana. Ubonisa nokuthi inhlalakahle yethu ihlobene nokuthi sinombono olinganiselayo yini ngomsebenzi wokuziphilisa noma cha. Ngicela uwufunde.”

“IBhayibheli ligcizelela ukubaluleka kwemfundo enhle. [Funda IzAga 2:10, 11.] Iningi lethu liyaqaphela ukuthi kubaluleke kangakanani ukuba izingane zibe nothisha abaqeqeshiwe. I-Phaphama! iqokomisa indima ebalulekile yothisha, indlela okufanele sikwazise ngayo ukuzidela kwabo, nalokho abazali abangakwenza ukuze babasize kule nselele enzima ababhekene nayo.”