IBhokisi Lemibuzo

◼ Kufanele ziqhutshwe nini iZifundo Zencwadi Zebandla?

Kuvame ukuba wusizo futhi kube lula kakhudlwana uma amaqembu esifundo sencwadi amaningana ehlangana ezindaweni ezihlukahlukene ensimini yebandla kunokuba bonke abantu bahlangane eHholo LoMbuso. Lezifundo kufanele ziqhutshwe ngezikhathi okuyoba lula ngazo ngeningi labantu ababelwe kuzo ukuba babekhona. Ngokuvamile lezifundo ziba kusihlwa phakathi nesonto ngosuku okungekho eminye imihlangano ngalo noma okungahleliwe ngalo imisebenzi yenkonzo. Nokho, kungase kube nenzuzo ukuhlela ukuba isifundo sencwadi sibe semini ukuze nasebekhulile abamadolonzima ukuhamba sekuhwalele nabasebenza ebusuku bakwazi ukuba khona. Ezimweni ezimbalwa, kungaba wusizo ukuqhuba isifundo emini ngempelasonto.

Abadala bangenza ukuhlola okufanele ukuze bathole ukuthi yiziphi izikhathi ‘eziyoba lula ngeningi labamemezeli’ kanye nabathakazelayo. (omZU k. 62) Isikhathi esikhethwayo kufanele sibe ngosuku nangehora okungeke kuphazamise noma kukhinyabeze amalungiselelo enkonzo yasensimini ngokungadingekile.