IZaziso
◼ Izincwadi ezizohanjiswa ngo-April nango-May: Isikhokhelo se-Nqabayokulinda ngomnikelo ka-R19,00 ngomagazini abaphuma kabili ngenyanga. Isikhokhelo sonyaka sabaphuma kanye ngenyanga noma isikhokhelo sezinyanga eziyisithupha sabaphuma kabili ngenyanga singu-R9,50. Ngo-June: IBhayibheli—Izwi LikaNkulunkulu Noma Elomuntu? ngomnikelo ka-R3,00. Ngo-July: Noma yiziphi izincwajana ezinamakhasi angu-32 okungenzeka ibandla linazo esitokweni zingahanjiswa ngomnikelo wamasenti angu-90. Uma zingekho lezincwajana, kungahanjiswa izincwajana ezingangomagazini ngomnikelo wamasenti angu-90 iyinye.
◼ Zonke izincwadi eziya eNhlanganweni kufanele zihlolwe futhi ziposwe unobhala. Siza uqiniseke ukuthi ikheli eliphelele lebandla, kanye nenombolo yeposi, kubhaliwe echosheni eliphezulu esandleni sobunxele noma ngemuva emvilophini.
◼ Amabandla kufanele aqale uku-oda I-Yearbook of Jehovah’s Witnesses ka-1994 e-odeni lawo lezincwadi lango-April. I-Yearbook ka-1994 izotholakala ngesiGreki, isiJalimane, isiNgisi, isiNtaliyane, nangesiPutukezi. Ama-Yearbook ayizincwadi ezi-odwa ngokulinganiselwa futhi imali yawo iyofakwa kuyi-akhawunti yezincwadi ngo-R4,50 iyinye. Amaphayona asenezinyanga ezingaphezu kweziyisithupha esohlwini angazitholela ikhophi yamahhala ibandla elingayicelela isaphulelo. Amaphayona angazitholela amakhophi engeziwe ngo-R3,00 iyinye.
◼ Amabandla kufanele aqale uku-oda imiqulu ye-Watchtower ne-Awake! ka-1993. Lemiqulu iyotholakala ngesiDashi, isiFulentshi, isiJalimane, isiNgisi, isiNtaliyane, nangesiPutukezi. I-oda lenu ningalithumeli nemali uma ibandla lenu line-akhawunti yezincwadi eNhlanganweni. Imali yalemiqulu iyofakwa ku-akhawunti yebandla yezincwadi. Kuze kube yilapho lemiqulu isitholakele futhi yathunyelwa, kuyobhalwa ukuthi “Back Ordered” kuma-invoice ebandla. Amabandla anezikweletu kuma-akhawunti awo ezincwadi kufanele athumele ama-oda awo nemali. Lemiqulu iyizincwadi ezi-odwa ngokulinganiselwa futhi iyobiza u-R18,00 umunye ngebandla, iningi, namaphayona.
◼ Ikomiti yenkonzo kufanele isize iphawule ukuthi wonke ama-oda e-Nkonzo Yethu YoMbuso azokwenziwa esikhathini esizayo, noma ushintsho ema-odeni, kufanele enziwe ngamaqoqo ahambe ngamane. Sizowashintsha wonke ama-oda akhona manje abe ngamaqoqo ahamba ngamane. Lokhu akulithinti i-oda lomagazini, lona okusafanele liqhubeke lenziwa ngamaqoqo ahamba ngamahlanu.