Yini Engingayithandazela?

Impendulo yeBhayibheli

Ungathandazela noma yini evumelana nezimfuneko zikaNkulunkulu njengoba kulotshwe eBhayibhelini. “Kungakhathaliseki ukuthi yini esiyicelayo ngokwentando [kaNkulunkulu], uyasizwa.” (1 Johane 5:14) Ingabe ungathandazela izinto ezikukhathazayo? Yebo. IBhayibheli lithi: “Thululani inhliziyo yenu phambi [kukaNkulunkulu].”—IHubo 62:8.

Izibonelo zezinto esingazithandazela

• Ukholo kuNkulunkulu.—Luka 17:5.

• Umoya ongcwele, noma amandla kaNkulunkulu asebenzayo, ukuze ukusize wenze okulungile.—Luka 11:13.

• Amandla okubhekana nezinkinga nokumelana nezilingo.—Filipi 4:13.

• Ukuthula kwangaphakathi noma ukuzola.—Filipi 4:6, 7.

• Ukuhlakanipha kokwenza izinqumo ezinhle.—Jakobe 1:5.

• Usizo lokubhekana nezidingo zansuku zonke.—Mathewu 6:11.

• Ukuthethelelwa izono.—Mathewu 6:12.