Ukwanda Okushaqisayo Kokuphazamiseka Komqondo Entsheni—Lithini IBhayibheli?

NgoMsombuluko, ngomhla ka-13 Febhuwari, 2023, i-Centers for Disease Control and Prevention (CDC) e-United States ikhiphe umbiko omayelana nokusebenza kwengqondo entsheni yase-U.S. Wathi ingaphezu kwamaphesenti angu-40 intsha efunda esikoleni samabanga aphakeme ehlushwa izinsizi nokuphelelwa ithemba.

“UDkt. Kathleen Ethier, ongumqondisi we-CDC’s Division of Adolescent and School Health (DASH) uthi, “Nakuba besilokhu sikuphawula ukwanda kokucindezeleka komqondo entsheni kule minyaka eyishumi edlule, izibalo ezihlobene nokuphazamiseka komqondo kanye nezimo ezihlobene nokuzibulala ezibikwe intsha engamantombazane, sezenyuke ngezinga ezingakaze zenyuke ngalo ngaphambili.”

Umbiko waphawula lokhu:

• Amantombazane angamaphesenti angu-14 ake aphoqwa ukuba aye ocansini engafuni. UDkt. Ethier uthi, “Lokhu kusivula amehlo, ngoba kusho ukuthi emantombazaneni angu-10 owaziyo, eyodwa yawo, kungenzeka yake yadlwengulwa.”

• Cishe intombazane eyodwa kwamathathu (amaphesenti angu-30) ike yafikelwa umcabango onamandla wokuzibulala.

• Cishe amantombazane amathathu kwamahlanu (amaphesenti angu-57) ake aba nosizi olubeleselayo noma aphelelwa ithemba.

Lezi zibalo zisizwisa ubuhlungu obukhulu. Intsha kufanele engabe iyajabula ngobusha bayo. Yini engasiza intsha ilwe nezingcindezi ezikhona namuhla? Lithini iBhayibheli?

IBhayibheli linikeza intsha usizo

IBhayibheli lizichaza kahle izikhathi ezinzima esiphila kuzo namuhla. Lizibiza ngokuthi “izikhathi ezibucayi okunzima ukubhekana nazo.” (2 Thimothewu 3:1-5) Noma kunjalo, iBhayibheli linezeluleko ezingaphelelwa isikhathi ezisiza izigidi zentsha emhlabeni ukuba zibhekane ngokuphumelelayo nezingcindezi. Cabanga nganazi izihloko ezisekelwe eBhayibhelini.

• Kuthiwani Uma Ngingasafuni Ukuphila?

• Angisafuni Ukuphila—Ingabe IBhayibheli Lingangisiza Lapho Ngifuna Ukuzibulala?

• Ngisaphilelani Nje?

• Yini Engingayenza Uma Ngicindezelekile?

• Ngingayigwema Kanjani Imicabango Engemihle?

• Ngingabhekana Kanjani Nokukhathazeka?

• Ngingayilawula Kanjani Indlela Engizizwa Ngayo?

• Nqoba Ukudangala Ujabule (ukufunda ngemidwebo)

• Ngenzenjani Uma Ngixhashazwa?

• Ngingenzenjani Uma Ngihlukunyezwa Kuyi-Internet?

• Nqoba Isiqhwaga Ngaphandle Kokusebenzisa Isibhakela (ukufunda ngemidwebo)

• Ngingabhekana Kanjani Nokuhlukunyezwa Ngokobulili?

• Yini Okufanele Ngiyazi Ngokuhlukunyezwa Ngokobulili?—Ingxenye 1: Izinyathelo Zokuphepha

• Yini Okufanele Ngiyazi Ngokuhlukunyezwa Ngokobulili?—Ingxenye 2: Ukululama

IBhayibheli linikeza abazali usizo

IBhayibheli liphinde linikeze abazali usizo ukuze basize izingane zabo zibhekane nezinkinga zokuphila. Cabanga nganazi izihloko ezilandelayo ezisekelwe eBhayibhelini.

• Ukucindezeleka Kwentsha—Kubangelwa Yini? Yini Engasiza?

• Lapho Indodakazi Yakho Esakhula Icindezelekile

• Yini Engingayenza Uma Ingane Yami Ihlushwa Yisiqhwaga?

• Lapho Ingane Yakho Esithombile Izilimaza

• Izingane Nezokuxhumana—Ingxenye 1: Ingane Yami Kufanele Izisebenzisi Yini Ezokuxhumana?

• Izingane Nezokuxhumana—Ingxenye 2: Ukufundisa Izingane Zakho Ukusebenzisa Ezokuxhumana Ngokuphepha

• Izingane Namafoni Esimanje—Ingxenye 1: Ingabe Ingane Yami Kufanele Ibe Nefoni Yesimanje?

• Izingane Namafoni Esimanje—Ingxenye 2: Ukufundisa Izingane Ukusebenzisa Kahle Ifoni Yesimanje

• Indlela Yokukhuluma Nengane Yakho Ngokuthumelelana Imiyalezo Yocansi