Zuza Oshade Naye Ngokuziphatha Okumsulwa

Amakhosikazi aba amaKristu avame ukusiza abayeni bawo bamukele iqiniso ngenxa yokulingisa uKristu ekuphileni kwawo. Nokho, kungase kudingeke abekezelele ubunzima iminyaka eminingi. (1Pet 2:21-23; 3:1, 2) Uma uphathwa ngokungafanele, qhubeka unqoba okubi ngokuhle. (Ro 12:21) Nakuba umyeni wakho angase angakulaleli lapho umtshela ngoJehova, isibonelo sakho esihle singase simenze ashintshe.

Zama ukubheka izinto ngendlela umyeni wakho azibheka ngayo. (Fil 2:3, 4) Bonisa ukuthi uyayiqonda indlela azizwa ngayo, uzwelane naye bese wenza okusemandleni akho ukuze uyifeze ngenhlonipho indima yakho. Mlalele ngesineke. (Jak 1:19) Yiba nesineke futhi umtshele umyeni wakho ukuthi uyamthanda. Ngisho noma engakuphathi ngomusa nangenhlonipho wena omphatha ngayo, qiniseka ukuthi uJehova uyakwazisa ukwethembeka kwakho.—1Pet 2:19, 20.

BUKELA IVIDIYO ETHI UJEHOVA UYASIQINISA UKUZE SITHWALE IMITHWALO YETHU, BESE UPHENDULA LE MIBUZO ELANDELAYO:

• Kwakunjani ukuphila kukaGrace Li lapho esanda kushada?

• Yini eyamenza wathanda amaqiniso aseBhayibhelini?

• Udadewethu uLi wakhuthazela kanjani ngemva kokuba esebhapathiziwe?

• Yini udadewethu uLi ayisho emthandazweni ngokuphathelene nomyeni wakhe?

• Yiziphi izibusiso udadewethu uLi azithola ngenxa yokuziphatha kwakhe okumsulwa nokuba nenhlonipho ejulile?