UKUPHILA NJENGAMAKRISTU
Ngingaphinda Nini Ngibe Iphayona Elisizayo?
Umbono kaHezekeli wethempeli wembula ukuthi abantu bakaJehova babeyonikela ngokuzithandela. Thina ngabanye singayenza kanjani imihlatshelo yokudumisa?—Heb 13:15, 16.
Enye indlela enhle kakhulu ukukhonza njengephayona elisizayo. Unyaka wenkonzo ka-2018 unezinyanga eziningana ezineMigqibelo emihlanu noma amaSonto amahlanu. Lokhu kuyoba inzuzo kakhulu kulabo abasebenzayo, abakwazi ukuba senkonzweni ngokuvamile ngezimpelasonto kuphela. Ngaphezu kwalokho, abamemezeli bangakhetha ukuzibekela umgomo wamahora angu-30 noma angu-50 ngezinyanga zikaMashi no-Ephreli nangenyanga yokuhambela kombonisi wesigodi.
Kuthiwani uma izimo zethu zingasivumeli ukuba sikhonze njengamaphayona asizayo? Singazama ukuthuthukisa inkonzo yethu, mhlawumbe sizame ngisho nokushumayela amahora engeziwe. Noma ngabe izimo zethu zinjani, kwangathi ukuthanda uJehova kungasenza sinikele ngokungcono kakhulu kuye ngonyaka wenkonzo ka-2018!—Hos 14:2.
Ngingalulingisa kanjani ugqozi lukaSabina Hernández?
BUKELA I-VIDEO ETHI NGOSIZO LUKAJEHOVA, NGINGENZA CISHE NOMA YINI, BESE UPHENDULA IMIBUZO ELANDELAYO:
Yini ekhuthaza uSabina ukuba enze okwengeziwe ekukhonzeni uJehova?
Isibonelo sikaSabina sikukhuthaza kanjani?
Iyiphi inyanga noma izinyanga ongakhonza ngazo njengephayona elisizayo ngonyaka wenkonzo ka-2018?