Izintshumayelo Ezisikiselwe

Zokuqala Izifundo ZeBhayibheli NgoMgqibelo Wokuqala Ku-January

“Iningi labantu linowalo umbono ngoNkulunkulu. Abanye bacabanga ukuthi uNkulunkulu ungamandla angaqondakali. Abanye bambheka njengoBaba wasezulwini onothando. Wena ucabanga ukuthi uNkulunkulu unjani?” Lindela impendulo. Mbonise ikhasi elingemuva le-Nqabayokulinda ka-January 1, bese nixoxa ngendaba engaphansi kombuzo wokuqala kanye nomBhalo okungenani owodwa kwekhonjiwe. Mhambisele omagazini bese uhlela ukubuyela ukuze nixoxe ngombuzo olandelayo.

INqabayokulinda January 1

“Sinivakashele kafushane ukuze sixoxe ngokuthile okusithinta sonke—ukushonelwa umuntu esimthandayo. Uyavuma yini ukuthi ukushonelwa umngane noma isihlobo osithandayo kuphakathi kwezinto ezinzima kakhulu ukubhekana nazo? [Lindela impendulo.] Abaningi liye labaduduza leli vesi leBhayibheli. [Funda u-Isaya 25:8.] Lo magazini ukhuluma ngesithembiso seBhayibheli esiduduzayo sokuqeda ukufa nokuvusa abafileyo.”

Phaphama! January

“Uyavuma yini ukuthi imindeni inezingcindezi eziningi namuhla? [Lindela impendulo.] Lesi saga seBhayibheli sisitshela lokho imindeni okumelwe ibe nakho ukuze yakhe futhi iqinise imindeni yayo. [Funda izAga 24:3.] Abaningi bathole ukuthi iBhayibheli linokuhlakanipha abangathembela kukho. Lo magazini ukhuluma ngengosi eyingqayizivele esekelwe eBhayibhelini enamathuluzi amahhala okusiza imindeni.”