ISimiso SeMihlangano Yenkonzo

Isonto Eliqala Ngo-August 11

INgoma 63

10 imiz: Izaziso zebandla. Cela izilaleli ukuba ziphawule ngezihloko ezikomagazini bamuva ezizithole zithakazelisa kubantu ensimini. Zicele ukuba ziveze amaphuzu akhethekile kulezo zihloko ezihlela ukuwasebenzisa. Kungabuzwa muphi umbuzo ukuze kuqalwe ingxoxo? Kungabe sekufundwa muphi umbhalo? Hlela imiboniso ebonisa indlela izintshumayelo ezisikiselwe ezingasetshenziswa ngayo.

15 imiz: Yenza Intando KaNkulunkulu—Ngaphandle Kweziphazamiso. Inkulumo esekelwe kwethi ‘Woza Ube Ngumlandeli Wami,’ amakhasi 93-94, izigaba 12-13.

20 imiz: “Ingabe Uyisebenzisa Ngokugcwele?”a Xoxa nommemezeli obe nokuhlangenwe nakho kokusebenzisa esinye sezihloko ezintsha ze-Nqabayokulinda yomphakathi. Kungase kwenziwe umboniso ngalokho okuhlangenwe nakho. Futhi, kusetshenziswa isigaba 2, makwenziwe umboniso ngendlela isifundo esingaqalwa ngayo kusetshenziswa isihloko esithi “Lokho Esikufunda KuJesu,” kuyi-Nqabayokulinda ka-August 1.

INgoma 26

Isonto Eliqala Ngo-August 18

INgoma 135

10 imiz: Izaziso zebandla. IZaziso ezikhethiwe kuyi-Nkonzo Yethu YoMbuso. Xoxa ngesithi “Isimiso Esisha SoMhlangano Wesifunda.” Memezela usuku lomhlangano wesifunda olandelayo uma selwaziwa. Khumbuza izilaleli ukuba ziphathe INqabayokulinda ka-September 1 ne-Phaphama! ka-September eMhlanganweni Wenkonzo wesonto elizayo futhi zilungiselele ukuxoxa ngendlela lab’ omagazini abangahanjiswa ngayo ensimini yebandla.

20 imiz: Indlela Esigqoka Futhi Sizilungise Ngayo Idumisa UJehova. Inkulumo enikezwa ngumdala. Ngenxa yokuthi uJehova unguNkulunkulu ongcwele, inhlanzeko yomzimba iza kuqala kubantu bakhe. (Eks. 30:17-21; 40:30-32) Ngokugqoka nokuzilungisa ngendlela eyisibonelo, ikakhulukazi enkonzweni yethu, sithokozisa uJehova futhi siyamkhazimulisa. (1 Pet. 2:12) Ngakolunye uhlangothi, ukungakwenzi lokho kungenza ukuba ‘izwi likaNkulunkulu lihlanjalazwe.’ (Thithu 2:5) Landisa okuhlangenwe nakho kwasebandleni noma okunyathelisiwe okubonisa indlela ukubukeka okuyisibonelo kommemezeli okwavula ngayo ithuba lokushumayela.

15 imiz: Intsha Enikeza Ubufakazi Obunamandla. Inkulumo ekhuthaza abazali nezingane zabo. Khumbuza izingane ukuba ziwasebenzise amathuba okushumayela. Uma isikhathi sivuma, cela izilaleli ukuba zilandise okuhlangenwe nakho kwazo kokufakaza lapho zisesikoleni.

INgoma 61

Isonto Eliqala Ngo-August 25

INgoma 24

15 imiz: Izaziso zebandla. Funda umbiko wezimali nezincwadi ezibonga iminikelo. Xoxa ngesithi “Isimiso Esisha Somhlangano Okhethekile Wosuku Olulodwa,” bese umemezela usuku lomhlangano okhethekile olandelayo uma selwaziwa. Bika ngentuthuko yomkhankaso wensimu engabelwe. Yazisa ibandla ngamalungiselelo ka-September futhi uma isikhathi sivuma, xoxa noyedwa noma ababili abathole impumelelo kuze kube manje.

15 imiz: Izidingo zebandla.

15 imiz: Lungiselela Ukuhambisa INqabayokulinda Ka-September 1 Ne-Phaphama! Ka-September. Ingxoxo nezilaleli. Bukeza lab’ omagazini kafushane, bese ubuza izilaleli ukuthi yiziphi izihloko ezingase zikhange ensimini yebandla. Imuphi umbuzo kanye nombhalo ongasetshenziselwa ukwethula lolo daba? Makwenziwe umboniso wokuthi ingasetshenziswa kanjani intshumayelo eyisibonelo ekuyi-Nkonzo Yethu YoMbuso. Cela omunye wabadala ukuba enze umboniso ngentshumayelo emfushane ayilungiselele esekelwe esihlokweni esingafanelana nensimu yebandla.

INgoma 196

Isonto Eliqala Ngo-September 1

INgoma 112

10 imiz: Izaziso zebandla. IZindaba Ezingokwasezulwini. Khumbuza abamemezeli ukuba balethe imibiko yenkonzo yasensimini ka-August. Singathanda ukufinyelela elinye inani elisha eliphakeme labamemezeli ngo-August. Bonke ababonisi bezifundo zencwadi kufanele balandelele kubo bonke abaseqenjini labo ukuze yonke imibiko ibe isihlanganisiwe ngo-September 6. Futhi kufanele baqiniseke ukuthi imibiko esilele yonyaka wenkonzo inikezwa unobhala. Kungaba usizo uma unobhala engahlanganisa uhlu lwayo yonke imibiko esilele kusenesikhathi futhi alunike umbonisi ngamunye wesifundo sencwadi.

20 imiz: Bahlala Bodwa Kodwa Asibakhohliwe. Inkulumo esekelwe kuyi-Nqabayokulinda ka-April 15, 2008, amakhasi 25-28. Yisho amaKristu asebandleni ahlala emakhaya asebekhulile endaweni, uma ekhona. Uma engekho, sebenzisa izimiso ezikulesi sihloko ukuze ukhuthaze ibandla ukuba lisekele noma ibaphi abagulayo noma abalinganiselwe ngandlela-thile ekhonweni labo lokuhlanganyela emisebenzini yebandla.

15 imiz: Qala Isifundo SeBhayibheli Ekuhambeleni Kokuqala Ngo-September. Ingxoxo nezilaleli. Ngo-September sizohambisa incwadi ethi Okufundiswa IBhayibheli futhi silwele ukuxoxa nomninikhaya ngezigaba ezimbalwa ekuhambeleni kokuqala. Bukeza ukusikisela okusesenezelweni se-Nkonzo Yethu YoMbuso ka-March 2006 bese kuba nomboniso owodwa noma emibili ebonisa indlela yokuqala isifundo seBhayibheli ekuhambeleni kokuqala.

INgoma 74

[Umbhalo waphansi]