IBhokisi Lemibuzo

◼ Ingabe kuyafaneleka ukubhala ikheli lomuntu siqu le-e-mail ezincwadini esizihambisayo?

Abanye abamemezeli baye bagxiviza noma banamathisela ikheli labo le-e-mail komagazini noma emapheshaneni abawahambisela abanye. Labo abathatha lezi zincwadi babe sebekwazi ukuxhumana nommemezeli bacele ukwaziswa okwengeziwe. Leyo mizamo yokusiza abathakazelayo yenziwa ngezinhloso ezinhle. Nokho, ingosi yethu ye-Internet esemthethweni ibonisiwe kakade ngemuva komagazini nasemapheshaneni. Ngakho, kungcono kakhulu ukuba singalifaki ikheli lomuntu siqu le-e-mail ezincwadini zethu.

Ukuthi ummemezeli uyabanikeza yini abantu ensimini imininingwane yakhe ephepheni eliseceleni, ikakhulu lapho enza izimpindelo, kuyisinqumo sakhe. Kufanele kube yithi esithatha isinyathelo sokubuyela kwabathakazelayo kunokuba sivele sishiyele kubo ukuba basithinte ukuze bathole ukwaziswa okwengeziwe. Isithakazelo esiqotho somuntu siqu singasibonisa kalula lapho sikhuluma nabantu ubuso nobuso.