ISimiso SeMihlangano Yenkonzo

Phawulani: INkonzo Yethu YoMbuso izoba nesimiso soMhlangano Wenkonzo wesonto ngalinye phakathi nezinyanga zomhlangano wesigodi. Amabandla angase enze ushintsho oludingekayo esimisweni ukuze akwazi ukuya eMhlanganweni Wesigodi onesihloko esithi “Landela UKristu!” Uma kufaneleka, sebenzisani imizuzu engu-15 eMhlanganweni Wenkonzo wokugcina ngaphambi kokuya emhlanganweni wesigodi ukuze nibukeze izeluleko nezikhumbuzo ezithinta ibandla ezisesenezelweni esikule Nkonzo Yethu YoMbuso. Enyangeni eyodwa noma ezimbili ngemva komhlangano wenu, yibani nemizuzu engu-15 kuya kwengu- 20 eMhlanganweni Wenkonzo (mhlawumbe nisebenzise ingxenye yezidingo zebandla) nibukeze amaphuzu avelele omhlangano wesigodi eniwathole ewusizo enkonzweni. Lokhu kubukeza kufanele kusingathwe umbonisi wenkonzo. Cela izilaleli ukuba zisho indlela ezikusebenzisa ngayo noma indlela ezihlela ukukusebenzisa ngayo lokhu kwaziswa enkonzweni yazo.

Isonto Eliqala Ngo-September 10

INgoma 225

10 imiz: Izaziso zebandla. Kusetshenziswa ukusikisela okusekhasini 8 noma ezinye izintshumayelo ezifanelekayo ensimini yakini, makube nemiboniso yokuhanjiswa kwe-Nqabayokulinda ka-September 15 ne-Phaphama! ka-September. Embonisweni ngamunye, mabahanjiswe bobabili lab’ omagazini nakuba kukhulunyelwe owodwa.

15 imiz: IBhokisi Lemibuzo. Ingxoxo nezilaleli esingathwa umdala. Kuye ngesikhathi esikhona, fundani futhi nixoxe ngemiBhalo ekhonjiwe.

20 imiz: “Umzamo Obumbene Womhlaba Wonke Wokumemezela UMhlangano Wesigodi Othi ‘Landela UKristu!’”a Lapho nixoxa ngesigaba 3, cela izilaleli ukuba zilandise okuhlangenwe nakho ezikuthole ensimini lapho zihambisa izimemo zomhlangano wesigodi nyakenye noma zikhulumele amaphuzu ase-Ncwadini Yonyaka ka-2007, kusukela ekhasini 7 kuya esihlokwaneni esisekhasini 10.

INgoma 130 nomthandazo wokuphetha.

Isonto Eliqala Ngo-September 17

INgoma 60

10 imiz: Izaziso zebandla. IZindaba Ezingokwasezulwini.

15 imiz: Sisebenze Kanjani Ngonyaka Odlule? Umbonisi wenkonzo ubukeza umbiko wenkonzo wangonyaka odlule, agxile ezintweni ezinhle ezifeziwe enkonzweni. Ncoma lapho kufanele khona. Khulumela isici esisodwa noma ezimbili ezidinga ukunakwa kulo nyaka wenkonzo omusha. Khuluma ngomsebenzi wamaphayona, uwancome ngomsebenzi wawo omuhle. Landisa imiphumela emihle ebe khona lapho kwenziwa umzamo wokusiza abantu abapholile.

20 imiz: Ubuzalwane Obunobunye. Inkulumo nengxoxo nezilaleli esekelwe esahlukweni 16 sethi Ukuhlelelwa Ukwenza Intando KaJehova.

INgoma 74 nomthandazo wokuphetha.

Isonto Eliqala Ngo-September 24

INgoma 162

10 imiz: Izaziso zebandla. Funda umbiko wezimali namazwi okubonga avela eNhlanganweni. Xoxani ngamalungiselelo ensimu engabelwe ngo-October. Lena inyanga yokugcina yomkhankaso wensimu engabelwe. Bakhuthaze bonke ukuba bahlanganyele ngokugcwele. Kumelwe isingathwe umbonisi wenkonzo.

20 imiz: “Landela Isibonelo Esabekwa UJesu.”b Cela izilaleli ukuba zilandise indlela eziye zazuza ngayo ezibonelweni zabanye ezinhle.

15 imiz: Sebenzisa Ipheshana Elithi Ungathanda Yini Ukwazi Okwengeziwe NgeBhayibheli? Ekuqaleni Izifundo ZeBhayibheli Ngo-October. Ngo-October sizohambisa INqabayokulinda ne-Phaphama! Lapho abaninikhaya bebonisa isithakazelo, kungase kusetshenziswe leli pheshana ukuze kuqalwe isifundo seBhayibheli. Xoxani kafushane ngaleli pheshana ngemva kokuba abalindi sebenike wonke umuntu okhona ikhophi yaleli pheshana, uma etholakala. Chaza ukuthi leli pheshana lingafundwa nomninikhaya lonke noma ingxenye ekuhambeleni kokuqala noma lapho uphindela. Kusetshenziswa ukusikisela okusekhasini 8 noma ezinye izintshumayelo ezifanelekayo ensimini yakini, makube nemiboniso yokuhanjiswa kwe-Nqabayokulinda ka-October 1 ne-Phaphama! ka-October. Komunye umboniso, ummemezeli ushiyela umninikhaya ipheshana ngemva kokuba enqabe omagazini. Komunye umboniso, ngemva kokuba umninikhaya ethathe omagazini, ummemezeli umnikeza leli pheshana, afunde naye ikhasi 5, bese embonisa isipho esisekhasini 6, athembise ukuthi uzomphathela sona ekuhambeleni okulandelayo.

INgoma 222 nomthandazo wokuphetha.

Isonto Eliqala Ngo-October 1

INgoma 88

10 imiz: Izaziso zebandla. IZaziso ezikhethiwe kuyi-Nkonzo Yethu YoMbuso. Khumbuza abamemezeli ukuba balethe imibiko yabo yenkonzo yasensimini yango-September.

15 imiz: Incwadi Evela Egatsheni. Inkulumo nengxoxo nezilaleli esekelwe encwadini esekhasini lokuqala lale Nkonzo Yethu YoMbuso.

20 imiz: “Ukwenza Okwengeziwe Enkonzweni Yethu.”c Cela abazalwane nodade abenza okwengeziwe ukuba bachaze indlela abaqhubeka ngayo befuna izindlela zokwenza okwengeziwe enkonzweni yabo. Kungase kube noyedwa noma ababili okuhlelwe nabo kusengaphambili.

INgoma 102 nomthandazo wokuphetha.

Imibhalo yaphansi