IZaziso
◼ Isipho ngo-February: Sondela KuJehova. Ngo-March: Lifundisani Ngempela IBhayibheli? Ngo-April nango-May: Umagazini INqabayokulinda ne-Phaphama!
◼ Unobhala nombonisi wenkonzo kufanele babukeze umsebenzi wawo wonke amaphayona avamile. Uma ekhona akuthola kunzima ukufinyelela imfuneko yamahora, abadala kufanele bahlele ukuba asizwe. Ukuze nithole ukusikisela, bukezani incwadi i-S-201 yaminyaka yonke.
◼ Inkulumo yeningi ekhethekile yenkathi yeSikhumbuzo sika-2007, eyoba ngo-April 15, inesihloko esithi “Ungase Uzizwe Uphephile Kuleli Zwe Elinezinkathazo!” Bhekani isaziso esifana nalesi kuyi-Nkonzo Yethu YoMbuso ka-October 2006.
◼ Wonke amabandla athunyelelwé izimemo ezikhethekile zeSikhumbuzo ukuze ummemezeli ngamunye athole ezingu-30 ngokwezilimi ze-Nkonzo Yethu YoMbuso. Uma amabandla eyingxenye yeqembu lezincwadi, kufanele athole izimemo zawo kumxhumanisi wabaphathi bezincwadi. Kufanele aqiniseke ukuthi ibandla ngalinye eliseqenjini lezincwadi lithola isitokwe salo ngokushesha njengoba kuboniswe ohlwini lwezincwadi ezithunyelwe. Amabandla ngeke athunyelelwe amakhophi engeziwe.
◼ INqabayokulinda ne-Phaphama! ezitholakala ngekhasethi ngesiNgisi nesiPutukezi ngeke zisatholakala kusukela komagazini baka-July 2007. Ama-oda akhona njengamanje efayilini ayonqanyulwa uma kufika leso sikhathi. Bhekani ikhasi labanyathelisi komagazini ukuthi iziphi izinhlelo zomagazini ezitholakalayo ezingase zi-odwe. Ngokuhamba kwesikhathi wonke amanye amakhasethi alalelwayo nawe-video ngeke esatholakala, ayothathelwa indawo ama-CD-ROM nama-DVD.
◼ Amabandla asengaqala uku-oda i-Watchtower Library—2006. Le CD-Rom izotholakala ngesiCzech, isiDanish, isiDashi, isiFulentshi, isiJalimane, isiJapane, isiKorea, isiNgisi, isiNorway, isiNtaliyane, isiPutukezi neSpanishi. I-odwa ngokukhethekile futhi eyoFakazi BakaJehova kuphela. Ama-oda akhona ohlelo luka-2005 ayoshintshwa kuthunyelwe uhlelo olusha. I-Watchtower Library—2006 iyoba nohlelo olusha okuthiwa i-Watchtower Reader. Kulula ukufunda lolu hlelo nokulusebenzisa ngoba luvula ikhasi elilodwa kuphela nebhokisi elivamile lokufaka amagama owacwaningayo. I-Watchtower Reader ingase itholakale ngezilimi ezengeziwe futhi esikhathini esizayo uhlelo lwayo oluthuthukisiwe luyoba i-Watchtower Library. Ngakho-ke, abayisebenzisayo bakhuthazwa ukuba bazijwayelanise ne-Watchtower Reader ukuze balungele ukukhululwa kwayo esikhathini esizayo. Zombili lezi zinhlelo zidinga i-computer ene-Windows 98, Millennium, NT, 2000, XP, noma isimiso samuva.
◼ Baxhumanisi babaphathi bezincwadi nonobhala bamabandla sicela niphawule: Lapho nithinta igatsha mayelana nokuthunyelwa kwama-oda ezincwadi okungewona, sicela niphathe nohlu lwezincwadi ezisebhokisini uma kungenzeka. Uma nibhalela ihhovisi legatsha, sicela nithumele nekhophi yalolo hlu.
◼ Ama-DVD Amasha Atholakalayo Anezilimi Ezihlukahlukene:
Young People Ask—What Will I Do With My Life?—ngesiFulentshi, isiJalimane, isiJapane, isiNgisi, isiNtaliyane, isiPutukezi, isiRashiya neSpanishi (Kuyi-DVD eyodwa)