Ukubukezwa KweSikole Senkonzo Esingokwasezulwini
Imibuzo elandelayo izocatshangelwa eSikoleni Senkonzo Esingokwasezulwini ngesonto eliqala ngo-October 30, 2006. Umbonisi wesikole uyosingatha ukubukeza kwemizuzu engu-30 okusekelwe endabeni ecatshangelwé ezabelweni zesonto lika-September 4 kuya ku-October 30, 2006. [Phawula: Lapho kungekho zikhombo ngemva kombuzo, kuyodingeka uzenzele ucwaningo ukuze uthole izimpendulo.—Bheka ethi ISikole Senkonzo, kk. 36-7.]
IZIMFANELO ZOKUKHULUMA
1. Kungani isimo sokuqiniseka sibalulekile lapho sikhuluma, futhi singakunciphisa kanjani ukukhathazeka? [be-ZU k. 135 isig. 5–k. 137 isig. 2, amabhokisi]
2. Lapho sibuzwa ngezinkolelo zethu, kungani kufanele sizame ukusebenzisa iBhayibheli lapho siphendula? [be-ZU k. 143 izig. 1-3]
3. Yini engasisiza ukuba sithuthukise ikhono lokusebenzisa iBhayibheli? [be-ZU k. 144, ibhokisi]
4. Kungani kubalulekile ukulisebenzisa njalo iBhayibheli lapho sifundisa enkonzweni, futhi singakukhuthaza kanjani ukusetshenziswa kwalo emihlanganweni yebandla? [be-ZU kk. 145-6, amabhokisi]
5. Sisuke sinamiphi imigomo emibili lapho sicela ukuba kufundwe umBhalo? [be-ZU k. 147 isig. 2]
ISABELO NO. 1
6. Imuphi umyalezo obaluleke kakhulu oqukethwe incwadi yamaHubo? [si-ZU k. 104 isig. 23]
7. IzAga zabhalwa futhi zahlanganiswa nini zaba umqulu? [si-ZU k. 107 isig. 5]
8. Siyini isaga, futhi kungani igama lesiHebheru lale ncwadi lifaneleka? [si-ZU k. 107 isig. 6]
9. KuzAga 2:1-5, sisho ukuthini isikhuthazo sokuqhubeka sifuna ulwazi nokuqonda ‘njengesiliva, nanjengengcebo efihliweyo’? [be-ZU k. 38 isig. 4]
10. Incwadi yezAga ibonisa kanjani yona ngokwayo ukuthi iyazuzisa? [si-ZU k. 109 isig. 19]
UKUFUNDWA KWEBHAYIBHELI KWAMASONTO ONKE
11. UDavide ‘wawududuza futhi wawuthulisa kanjani umphefumulo wakhe njengengane elunyulwe kunina,’ futhi singamlingisa kanjani? (IHu. 131:1-3)
12. Angasiduduza kanjani amazwi aphefumulelwe akumaHubo 139:7-12?
13. Iziphi ezinye zezibonelo zobukhulu bukaJehova ezishiwo kumaHubo 145 esingamdumisa ngazo emithandazweni yethu nasenkonzweni yasobala? (IHu. 145:3)
14. Kungayiphi indlela ukwesaba uJehova “kungukuqala kolwazi” futhi “kungukuqala kokuhlakanipha”? (IzAga 1:7; 9:10)
15. KuzAga 7:1, 2, yini ehlanganiswa “amazwi ami” kanye ‘nemiyalo yami’?