ISimiso SeMihlangano Yenkonzo

PHAWULANI: Enyangeni eyodwa noma ezimbili ngemva koMhlangano Wesigodi ‘Wokulalela UNkulunkulu,’ yibani nemizuzu engu-15 kuya kwengu-20 eMhlanganweni Wenkonzo (mhlawumbe nisebenzise ingxenye yezidingo zebandla) nibukeze amaphuzu omhlangano abamemezeli abawathole ewusizo enkonzweni yasensimini. Le nkulumo ekhethekile yoMhlangano Wenkonzo iyosinikeza ithuba lokuchaza indlela esikusebenzisa ngayo lokho esikufunde emhlanganweni nendlela okusisize ngayo ukuba siphumelele kakhudlwana enkonzweni yasensimini.—Bheka INkonzo Yethu YoMbuso ka-October 2005, k. 2.

Isonto Eliqala Ngo-December 12

INgoma 32

10 imiz: Izaziso zebandla. IZaziso ezikhethiwe kuyi-Nkonzo Yethu YoMbuso. Xoxani ngebhokisi elithi “Siza Uye Ngokushesha.” Bonisa ukuthi linjani ifomu i-S-43 uma likhona. Sebenzisa ukusikisela okusekhasini 8 (uma kufaneleka ensimini yenu) ukuze ubonise indlela yokuhambisa INqabayokulinda ka-December 15 ne-Phaphama! ka-January. Kungase kusetshenziswe nezinye izintshumayelo ezisebenzayo ensimini yenu. Ngemva komboniso ngamunye, phawula indlela okungaba lula ngayo ukuhlanganisa nombhalo entshumayelweni yethu.

15 imiz: “ISikole Esisisiza Ukuba Sikusebenzise Ngokoqobo Esikufundayo.” Inkulumo enikezwa umbonisi wesikole. Hlanganisa namaphuzu athile ashiwo esenezelweni se-Nkonzo Yethu YoMbuso ka-October 2005.

20 imiz: “Imfundo Eholela Ekuphileni.”a Hlela ukuba oyedwa noma ababili balandise ngendlela abaye bazuza ngayo emfundweni evela kuNkulunkulu.

INgoma 101 nomthandazo wokuphetha.

Isonto Eliqala Ngo-December 19

INgoma 160

10 imiz: Izaziso zebandla. IZindaba Ezingokwasezulwini. Chaza amalungiselelo akhethekile enkonzo yasensimini ka-December 25 no-January 1. Bakhumbuze bonke ukuba baphathe i-Phaphama! ka-January 2006 eMhlanganweni Wenkonzo wangesonto elizayo.

15 imiz: “Bonisa Isithakazelo Esiqotho—Ngokuvumelana Nezimo.”b Hlanganisa nomboniso omfushane obonisa indlela ummemezeli angashintsha ngayo intshumayelo yakhe ukuze ivumelane nalokho okushiwo umninikhaya.

20 imiz: Ukubonakalisa Izindinganiso ZikaNkulunkulu Endleleni Yethu Yokugqoka Nokuzilungisa. Inkulumo enikezwa umdala kanye nengxoxo nezilaleli, esekelwe kuyi-Nqabayokulinda ka-August 1, 2002, amakhasi 17-19. Cela izilaleli ukuba zisho ukuthi indlela eyisibonelo esibukeka ngayo ingawavula kanjani amathuba okushumayela.

INgoma 56 nomthandazo wokuphetha.

Isonto Eliqala Ngo-December 26

INgoma 85

10 imiz: Izaziso zebandla. Funda umbiko wezimali nezincwadi ezibonga iminikelo. Bukeza isihloko esithi “Uthini Lapho Uphendulwa Umshini Ophendula Ucingo?” Khumbuza abamemezeli ukuba balethe imibiko yabo yenkonzo yasensimini ka-December. Uma ibandla lenu lizoshintsha izikhathi zemihlangano ngonyaka omusha, memezela lezo zikhathi ezintsha. Yisho incwadi ezohanjiswa ngo-January, bese usho nokuthi intshumayelo yokuyihambisa ingatholakala kuphi.

15 imiz: Izidingo zebandla.

20 imiz: Izinto Ezintsha Kuyi-Phaphama! Inkulumo kanye nengxoxo nezilaleli. Yisho izinto ezishintshiwe kuyi-Phaphama! ezamenyezelwa kuyi-Nkonzo Yethu YoMbuso ka-March 2005, ikhasi 1, izigaba 5-6. Hlanganisa namaphuzu athile asesihlokweni esithi “Incwadi Eya Kubafundi Balo Magazini” kuyi-Phaphama! ka-January 2006, amakhasi 3-4. Veza izibonelo lo magazini okhuthaza ngazo abafundi ngokuqondile ukuba bafunde iBhayibheli. Cela izilaleli ukuba ziphawule okuthile ngesihloko esisha esisekhasini 31. Siyoqhubeka sihambisa kokubili INqabayokulinda ne-Phaphama! ekuhambeleni kwethu kokuqala. Nokho, sizohambisa i-Phaphama! eyodwa kuphela kumuntu ngamunye osemzileni wethu kamagazini nakulabo abamukela omagazini bethu njalo. Usebenzisa ukusikisela okusekhasini 8 (uma kufaneleka ensimini yenu), bonisa indlela yokuhambisa INqabayokulinda ka-January 1 ne-Phaphama! ka-January. Kungasetshenziswa nezinye izintshumayelo ezisebenzayo ensimini yenu. INkonzo Yethu YoMbuso ka-January iyoba nentshumayelo yesibili yokuhambisa i-Phaphama! ka-January eqokomisa esinye sezihloko ezikulo magazini. Zombili lezi zintshumayelo zingasetshenziswa kuyo yonke leyo nyanga ka-January.

INgoma 222 nomthandazo wokuphetha.

Isonto Eliqala Ngo-January 2

INgoma 5

5 imiz: Izaziso zebandla.

15 imiz: “Zisebenzise Ngokuhlakanipha Izincwadi Zethu Ezisekelwe EBhayibhelini.”c Hlanganisa namaphuzu athile ashiwo kuyi-Nkonzo Yethu YoMbuso ka-September 2002, ikhasi 1.

25 imiz: “Ingane Yakho Ingasenza Yini Isinqumo Esibonisa Ukuvuthwa?”d Kumelwe isingathwe umdala. Cela umzalwane ofunda kahle ukuba afunde isigaba ngasinye ngokuzwakalayo. Xoxani ngayo yonke imibhalo ekhonjiwe. Ngemva kokuxoxa ngesigaba 2, veza umehluko okhona ezimweni ezithile abasha ababili ababhekana nazo, okukhulunywe ngazo kuyi-Nqabayokulinda ka-June 15, 1991, ezigabeni 16-17, uhlanganise nokushiwo ebhokisini ekhasini 17. Ekuphetheni, khuthaza abazali ukuba babukeze sonke leso sihloko se-Nqabayokulinda ngemva kwalokho babe nezingxoxo ngokushesha nezingane zabo futhi baprakthize nazo ukuze ziqonde umyalo osekelwe eBhayibhelini maqondana negazi, kanjalo bazihlomisele ukuba zikwazi ukuchaza izinkolelo zazo ngokuqiniseka. Izinhloko zemikhaya kufanele ziqiniseke ukuthi ingane ngayinye ebhapathiziwe ihlala iphethe ikhadi i-DPA nokuthi ingane ngayinye engabhapathiziwe ihlala iphethe i-Identity Card. Noma nini lapho othile esesibhedlela futhi kunezinkinga zokumpontshelwa igazi, abadala kufanele bathintane neKomiti Yokubonisana Nezibhedlela ukuze bathole usizo. Sizani Niphawule: Ibandla ngalinye kufanele lihlele ukusingatha lokhu kwaziswa ngesikhathi okuyobe kukhona ngaso iningi labazali kanye nezingane zabo, ngisho noma lokho kuyosho ukuthi le nkulumo ibekwe ngolunye usuku phakathi no-January 2006.

INgoma 48 nomthandazo wokuphetha.

[Imibhalo yaphansi]