ISimiso SeMihlangano Yenkonzo

Isonto Eliqala Ngo-May 9

INgoma 217

10 imiz: Izaziso zebandla. IZaziso ezikhethiwe kuyi-Nkonzo Yethu YoMbuso. Sebenzisa ukusikisela okusekhasini 8 (uma kufaneleka ensimini yenu) wenze imiboniso yokuhanjiswa kwe-Nqabayokulinda ka-May 15 ne-Phaphama! ka-June 8. Kungasetshenziswa nezinye izintshumayelo ezifanelekayo ensimini yenu. Komunye wemiboniso, ummemezeli makahambise omagazini lapho eshumayela ngokwethukela entweni yokuhamba yomphakathi.

15 imiz: Sebenzisa IZwi LikaNkulunkulu Ukuze Ufinyelele Inhliziyo. Inkulumo esekelwe kuyi-Nqabayokulinda ka-February 1, 2005, amakhasi 28-31. Hlaziya indlela uJesu asebenzisa ngayo imiBhalo ukuze asize uPetru. Xoxa ngendlela esingasilingisa ngayo isibonelo sikaJesu lapho kudingeka silungise ukucabanga nemizwa yezingane zethu, yabantu esibafundelayo, ngisho neyethu uqobo.

20 imiz: “Yenzani Isimiso Somkhaya Esisebenzayo.” Esethulweni esingaphansi kwemizuzu emibili, qokomisa izinzuzo zesimiso esibhalwe phansi futhi uxoxe ngendlela yokugcwalisa isimiso esinezikhala esisekhasini 6. Makube sekulandela ingxoxo yemibuzo nezimpendulo esekelwe esihlokweni esithi “Isimiso Somkhaya—Imihlangano Yebandla.” Cela izilaleli zisho ukuthi zikugwema kanjani ukuvumela ezinye izinto ziphazamise isikhathi semihlangano yebandla. Emasontweni alandelayo kuyoxoxwa ngezici ezengeziwe zesimiso somkhaya.

INgoma 176 nomthandazo wokuphetha.

Isonto Eliqala Ngo-May 16

INgoma 201

10 imiz: Izaziso zebandla.

15 imiz: “Isimiso Somkhaya—Ukuya Enkonzweni Yasensimini Njengomkhaya.”a Cela izilaleli zisho izinzuzo zokusebenza ndawonye njalo enkonzweni njengomkhaya.

20 imiz: “Ukuqhuba Izifundo ZeBhayibheli Ezithuthukayo—INgxenye 9.”b Lapho nixoxa ngesigaba 2, qokomisa iphuzu elilodwa noma amabili akuyi-Nkonzo Yethu YoMbuso ka-December 2004, ikhasi 8. Makube nomboniso omfushane wesifundo seBhayibheli. Ngemva kokuba kuqedwe isifundo 2 encwajaneni ethi Yini UNkulunkulu Ayifunayo?, umqhubi wesifundo ubuza umfundi: “Ungamchazela kanjani umngane wakho ukuthi ngubani igama likaNkulunkulu?” Umfundi uchaza indlela angasebenzisa ngayo iHubo 83:18. Kamuva umqhubi uyamtusa.

INgoma 134 nomthandazo wokuphetha.

Isonto Eliqala Ngo-May 23

INgoma 194

12 imiz: Izaziso zebandla. Funda umbiko wezimali namazwi avela eNhlanganweni okubonga iminikelo. Sebenzisa ukusikisela okusekhasini 8 (uma kufaneleka ensimini yenu) wenze imiboniso yokuhanjiswa kwe-Nqabayokulinda ka-June 1 ne-Phaphama! ka-June 8. Kungasetshenziswa nezinye izintshumayelo ezifanelekayo ensimini yenu.

18 imiz: “Usuku LukaJehova Luseduze.”c Lapho ulungiselela le nkulumo, bheka incwadi Isiprofetho SikaDaniyeli, ikhasi 59, isigaba 28.

15 imiz: “Isimiso Somkhaya—Isifundo Somkhaya.”d Hlela kusengaphambili ukuba oyedwa noma ababili basho indlela abasihlela ngayo isifundo sabo somkhaya nokuthi imuphi umzamo odingekayo ukuze siqhutshwe njalo.

INgoma 152 nomthandazo wokuphetha.

Isonto Eliqala Ngo-May 30

INgoma 190

10 imiz: Izaziso zebandla. Khumbuza abamemezeli ukuba balethe imibiko yenkonzo yasensimini yango-May. Yisho incwadi ehanjiswa ngo-June. Makube nomboniso wokuhanjiswa kwaleyo ncwadi kusetshenziswa intshumayelo eyodwa noma ezimbili kwezisesenezelweni se-Nkonzo Yethu YoMbuso ka-January 2005 (uma ifaneleka ensimini yenu). Kungasetshenziswa nezinye izintshumayelo ezifanelekayo.

20 imiz: “Isimiso Somkhaya—Itekisi Losuku.”e Cela izilaleli zisho ukuthi imikhaya yazo izuza kanjani ngokuxoxa ngetekisi losuku ndawonye nokuthi isiphi isimiso eziye zasithola sisebenziseka.

15 imiz: Makuxoxwe noma kulingiswe okuhlangenwe nakho kwasenkonzweni yasensimini okutholakale ngo-March, ngo-April nango-May. Hlela kusengaphambili ukuba oyedwa noma ababili basho umzamo abawenzile ukuze bandise ingxenye yabo enkonzweni ngenkathi yeSikhumbuzo, kanye nezibusiso abazitholile ngenxa yalokho.

INgoma 115 nomthandazo wokuphetha.

Isonto Eliqala Ngo-June 6

INgoma 155

10 imiz: Izaziso zebandla.

15 imiz: Izidingo zebandla.

20 imiz: “Hlakulela Isithakazelo Ngomzila Kamagazini.”f Lapho nixoxa ngesigaba 3, bhekisela encwadini Ukubonisana, amakhasi 357-362. Indaba elapho ingase isetshenziswe ekulungiseleleni uchungechunge lwezingxoxo ezisekelwe emBhalweni owodwa mayelana nalokho okuzofezwa uMbuso kaNkulunkulu. Makube nomboniso wendlela ummemezeli angase axoxe ngayo ngomBhalo owodwa nomuntu osemzileni wakhe kamagazini. Ummemezeli kufanele awukhulumele kafushane lo mBhalo futhi abonise indlela osebenza ngayo ukuze asize umninikhaya awuqonde kahle futhi abone ukubaluleka kwawo ekuphileni kwakhe.

INgoma 107 nomthandazo wokuphetha.

[Imibhalo yaphansi]