ISimiso SeMihlangano Yenkonzo

Isonto Eliqala Ngo-March 14

INgoma 132

10 imiz: Izaziso zebandla. IZaziso ezikhethiwe kuyi-Nkonzo Yethu YoMbuso. Sebenzisa ukusikisela okusekhasini 4 (uma kufaneleka ensimini yenu) wenze imiboniso yokuhanjiswa kwe-Nqabayokulinda ka-March 15 ne-Phaphama! ka-April 8. Kungasetshenziswa nezinye izintshumayelo ezifanelekayo ensimini yenu. Komunye wemiboniso, makwenziwe impindelo kumuntu owumzila kamagazini. Lapho ephetha le ntshumayelo, ummemezeli makasebenzise ikhasi lokugcina le-Nqabayokulinda ka-March 15 ukuze akhumbuze umninikhaya ngomkhosi weSikhumbuzo ozayo.

15 imiz:“Kuzogxilwa Kakhudlwana EBhayibhelini!”a

20 imiz: “Umkhankaso Okhethekile Wokuhambisa Incwajana Entsha.”b Kumelwe isingathwe umbonisi wenkonzo. Yiba nemiboniso yezintshumayelo ezisikiselwe. Komunye umboniso, umninikhaya ubonisa isithakazelo esincane entshumayelweni ngakho unikezwa ipheshana esikhundleni sencwajana. Encwadini evela egatsheni iya kubadala, kunikezwe ukwaziswa okwengeziwe mayelana nalo mkhankaso okhethekile.

INgoma 137 nomthandazo wokuphetha.

Isonto Eliqala Ngo-March 21

INgoma 140

10 imiz: Izaziso zebandla.

15 imiz: “Ukuqhuba Izifundo ZeBhayibheli Ezithuthukayo—INgxenye 7.”c Lapho ulungiselela le ngxoxo, bheka INqabayokulinda ka-July 15, 2002, ikhasi 27, izigaba 5-6.

20 imiz: Iyini I-Armagedoni? Ngemva kwesethulo esingaphansi komzuzu, makube nengxoxo yemibuzo nezimpendulo esekelwe emakhasini 49-53 encwadi Ukubonisana. Cela izilaleli ukuba zisebenzise imiBhalo ecashuniwe nekhonjiwe ukuze ziphendule imibuzo ebhalwe ngokugqamile. Makuxoxwe ngokuthi singakusebenzisa kanjani lokhu kwaziswa enkonzweni yasensimini.

INgoma 109 nomthandazo wokuphetha.

Isonto Eliqala Ngo-March 28

INgoma 144

10 imiz: Izaziso zebandla. Funda umbiko wezimali namazwi avela eNhlanganweni okubonga iminikelo. Bakhuthaze bonke ukuba bameme abathakazelayo beze enkulumweni yeningi ekhethekile ezoba ngo-April 10. Yisho izincwadi ezizohanjiswa ngo-April nango-May.

20 imiz: Hambisa INqabayokulinda Ne-Phaphama! Xoxa ngamaphuzu athakazelisayo komagazini bamuva. Usebenzisa ukusikisela okusekhasini 4 (uma kufaneleka ensimini yenu), yenza imiboniso yokuhanjiswa kwe-Nqabayokulinda ka-April 1 ne-Phaphama! ka-April 8. Kungasetshenziswa nezinye izintshumayelo ezifanelekayo ensimini yenu. Entshumayelweni ngayinye, abamemezeli mabachaze indlela umsebenzi wethu wokushumayela emhlabeni wonke osekelwa ngayo ngezimali.—Bheka ikhasi 2 le-Nqabayokulinda, noma ikhasi 5 le-Phaphama!

15 imiz: Izidingo zebandla.

INgoma 116 nomthandazo wokuphetha.

Isonto Eliqala Ngo-April 4

INgoma 119

10 imiz: Izaziso zebandla. IZindaba Ezingokwasezulwini.

15 imiz: Yibani Nothando Phakathi Kwenu. (Joh. 13:35) Inkulumo ebekwa umdala, esekelwe kuyi-Nqabayokulinda ka-February 1, 2003, amakhasi 15-18, izigaba 10-21. Sikhuthazwa ukuba sizame ukuqala izifundo zeBhayibheli nabantu asebayifunda incwadi Ulwazi nencwajana ethi Yini UNkulunkulu Ayifunayo? Qokomisa indlela abamemezeli abangabambisana ngayo nabadala ekusizeni ababuthakathaka.

20 imiz: Ilungiselelo Lokusiqinisa. Ngemva kwesethulo esingaphansi komzuzu, xoxa nezilaleli nge-Ncwadi Yonyaka Ka-2005. Ukuzindla ngezinto ezimangalisayo uJehova azenzayo namuhla kusisondeza kuye nakubafowethu emhlabeni wonke. (IHu. 77:12-14) Kuyasiqinisa ukuze simelane noDeveli, ‘siqinile okholweni.’ (1 Pet. 5:8, 9) Kusiza abasanda kuhlanganyela ukuba bayiqonde kangcono futhi bayazise ngokwengeziwe inhlangano kaJehova. Cela izilaleli zisho amaphuzu eziwajabulele lapho zifunda INcwadi Yonyaka Ka-2005. Hlela kusengaphambili ukuba oyedwa noma ababili basho ukuthi basihlela kanjani isikhathi sabo sokufunda INcwadi Yonyaka.

INgoma 36 nomthandazo wokuphetha.

[Imibhalo yaphansi]