IZindaba Ezingokwasezulwini

◼ La mabandla angu-17 nawo aye ajabulela ukunikezelwa kwamaHholo awo OMbuso amasha: elaseTweefontein East nelaseVlaklaagte West (eNyakatho yeBronkhorstspruit), elaseMashishing (eLydenburg), elaseNaas (eKomatipoort), elaseHleoheng (eLesotho), elasePacaltsdorp (eGeorge), elaseDindini (eBizana), elaseKutloanong East (e-Odendaalsrus), elasePhomolong (eHarrismith), elaseNtuzuma North (eNanda), elaseMondlo South (eMondlo), elaseNkodibe (eMtubatuba), elaseMajozini (eMkuze), elaseKokosi (eFochville), elaseHoekfontein, elaseLeondale nelase-Ivory Park South eGauteng.

UJehova usaqhubeka nokubusisa isimiso sokwakhiwa kwamaHholo OMbuso ensimini yethu. Onyakeni wenkonzo ka-2004 kuye kwaqedwa amaHholo OMbuso angu-40. Sisazisa ngempela isiqondiso esinikezwa amaKomiti Okwakha Esifunda angu-25 nokusekela kothando kwabo bonke abahilelekile.

Ungathanda yini ukuba nengxenye ekwakhiweni kwamaHholo OMbuso? Sicela ucele ifomu elithi Kingdom Hall Construction Worker Questionnaire (S-82) kunobhala webandla lakini. Ligcwalise bese ulinikeza umbonisi owengamele. Ngemva kwalokho iKomiti Yokwakha Yesifunda yangakini iyokuthinta uma usizo lwakho ludingeka.

Amabandla adinga ihholo akhuthazwa ukuba aqhubeke enikela esikhwameni sawo sokwakha iHholo LoMbuso. Ngaleyo ndlela ayobe enemali ethile lapho sekuqala ukwakhiwa. Ensimini yethu kusadingeka amaHholo OMbuso amaningana impela, ngakho sikhuthaza wonke umuntu ukuba asisekele ngokugcwele isimiso sokwakha.