ISimiso SeMihlangano Yenkonzo

Isonto Eliqala Ngo-September 13

INgoma 43

10 imiz: Izaziso zebandla. IZaziso ezikhethiwe kuyi-Nkonzo Yethu YoMbuso. Uma izintshumayelo ezisekhasini 4 zisebenza ensimini yebandla lenu, zisebenziseni embonisweni wokuhanjiswa kwe-Nqabayokulinda ka-September 15 ne-Phaphama! ka-October 8. Kungase kusetshenziswe nezinye izintshumayelo. Ngemva komboniso ngamunye, bonisa kafushane isici esiwusizo ngomboniso.

20 imiz: “Gcina Iso Lakho Lilihle.”a Sebenzisa imibuzo ehleliwe. Qokomisa imiBhalo ekhonjiwe, kuye ngesikhathi esikhona.

15 imiz: IZwi LikaJehova Liyaphila. Inkulumo. Ukuze sisizwe ukuba sizuze ngokugcwele ngokwengeziwe esimisweni sokufundwa kweBhayibheli kwamasonto onke esihlelelwe iSikole SeNkonzo Esingokwasezulwini, kuye kwaba nezihloko eziwuchungechunge ezithi “IZwi LikaJehova Liyaphila” komagazini abakhethiwe be-Nqabayokulinda. Usebenzisa INqabayokulinda ka-September 15, 2004, amakhasi 24-7, khuluma ngezici zalezi zihloko. Ngemva kokukhulumela okufingqayo, ingxenye ethi “Izimpendulo Zemibuzo YemiBhalo” ichaza izindinyana ezithile ezinzima emiBhalweni. Okushiwo ngaphansi kwesithi “Izifundo Esizitholayo” kwenza umuntu abone ukubaluleka kokwaziswa okukuleyo ngxenye efundwayo. Khuluma ngezibonelo ezimbalwa ezikhethekile ukuze ubonise indlela lolu chungechunge oluyosisiza ngayo ukuba siliqonde kakhudlwana iZwi likaNkulunkulu. Bakhuthaze bonke ukuba balisebenzise ngokugcwele leli lungiselelo njengoba siqala ukufunda incwadi kaDuteronomi.

INgoma 162 nomthandazo wokuphetha.

Isonto Eliqala Ngo-September 20

INgoma 88

10 imiz: Izaziso zebandla. Bukeza amaphuzu ayinhloko encwadi evela egatsheni esekhasini lokuqala lale Nkonzo Yethu YoMbuso. Bakhuthaze bonke ukuba bafunde uNumeri 16:1-35 bese bebuka i-video ethi Respect Jehovah’s Authority belungiselela uMhlangano Wenkonzo wangesonto lika-October 4. Ezindaweni ezisemakhaya, kufanele abadala bazame ukuba imikhaya engenayo imishini ye-video iyibone le video. Lokhu kungenziwa ngokulungiselela ukuba le video ibukelwe eHholo LoMbuso kusihlwa ngosuku okungelona olwemihlangano noma ibukelwe ngemva kwesifundo sencwadi. Nokho, akufanele le video idlalwe esikhundleni senkulumo yeningi. Amabandla asemakhaya angeke akwazi ukuba nomshini wokudlala ama-video angasebenzisa lesi sikhathi ukuze akhulume ngezidingo zebandla.

15 imiz: Sisebenze Kanjani Ngonyaka Odlule? Inkulumo ebekwa umdala, esekelwe embikweni wenkonzo webandla wonyaka wenkonzo ka-2004. Gxila emaphuzwini amahle ombiko, futhi uncome ibandla ngomsebenzi omuhle ofeziwe. Qokomisa umsebenzi wenkuthalo owenziwa amaphayona. Khuluma ngesici esisodwa noma ezimbili ibandla elingathuthukisa kuzo onyakeni ozayo.

20 imiz: “Lisebenzise Ngokuphumelelayo IBhayibheli.”b Sebenzisa imibuzo ehleliwe. Sekela isethulo encwadini ethi ISikole Senkonzo, ikhasi 145, izigaba 2-3. Hlanganisa nemiboniso emibili emifushane, kowokuqala kwenziwa ukuhambela kokuqala komunye kwenziwa impindelo, kuboniswe indlela yokusebenzisa ukusikisela okunikeziwe.

INgoma 103 nomthandazo wokuphetha.

Isonto Eliqala Ngo-September 27

INgoma 221

15 imiz: Izaziso zebandla. Umbiko wezimali. Khumbuza abamemezeli ukuba balethe umbiko wenkonzo yasensimini ka-September. Umbonisi wenkonzo kufanele axoxe ngamalungiselelo okugcina ensimu engabelwe. Njengoba u-October eyinyanga yokugcina yomkhankaso wensimu engabelwe, khuthaza wonke umuntu ukuba ahlanganyele ngokugcwele. Makube nomboniso wokuhanjiswa kwe-Nqabayokulinda ka-October 1 ne-Phaphama! ka-October 8 ngokuqondene nalo mkhankaso obalulekile.

15 imiz: Ofakazi Bokuzibonela Bemisebenzi Yethu Emihle. (1 Pet. 2:12) Inkulumo nengxoxo nezilaleli esekelwe kuyi-Nqabayokulinda ka-November 1, 2002, amakhasi 12-14, izigaba 14-20. Cela izilaleli zisho ukuthi ukubona imisebenzi yethu emihle kuye kwabathonya kanjani abantu bendawo.

15 imiz: Izidingo zebandla.

INgoma 38 nomthandazo wokuphetha.

Isonto Eliqala Ngo-October 4

INgoma 5

5 imiz: Izaziso zebandla.

15 imiz: Ukukhuthazela Emisebenzini Emihle. (Gal. 6:10) Xoxa nababili noma abathathu abangamaphayona avamile noma ababa amaphayona asizayo ngezikhathi ezithile. Iziphi izithiyo abaye babhekana nazo enkonzweni yabo kuJehova, futhi baye bazinqoba kanjani? Yini eye yabasiza ukuba bakhuthazele ekwenzeni okuhle kwabanye? Imizamo yabo enkonzweni yobuKristu iye yabazuzisa kanjani bona nabanye? Uma kusebenza ensimini yakini, yisho lokho okuye kwenziwa ebandleni ukuze nalabo abakhuluma ezinye izilimi bafinyelelwe ngezindaba ezinhle. Bancome bonke ‘ngomsebenzi wabo wokuthembeka nomshikashika wabo wothando nokukhuthazela kwabo.’—1 Thes. 1:2, 3.

25 imiz: “Kumelwe Silihloniphe Igunya LikaJehova.” Funda uJude 11, isethulo sibe ngaphansi kwemizuzu emibili. Yibe usuhlala engxoxweni nezilaleli usebenzisa yonke imibuzo esesihlokweni. Qokomisa iphuzu lokuthi ukuze sihlale sivunyelwa uJehova, kumelwe sigweme isimo sengqondo sikaKhora sokuvukela kodwa silingise isibonelo samadodana akhe, angavumelanga lutho ukuba luze ngaphambi kokwethembeka kwawo kuJehova.

INgoma 99 nomthandazo wokuphetha.

[Imibhalo yaphansi]