ISimiso SeMihlangano Yenkonzo

Isonto Eliqala Ngo-August 9

INgoma 57

10 imiz: Izaziso zebandla neZaziso ezikhethwe kuyi-Nkonzo Yethu YoMbuso. Uma ukusikisela okusekhasini 8 kungasebenza ensimini yebandla lenu, sebenzisa kona ubonise indlela yokuhambisa INqabayokulinda ka-August 15 ne-Phaphama! ka-September 8. Kungasetshenziswa nezinye izintshumayelo. Khuluma nangelungiselelo lomnikelo. Khumbuza izilaleli ukuba ziphathe incwajana ethi Yini UNkulunkulu Ayifunayo? ngesonto elizayo.

15 imiz: “Ukukhuthazela Kunomvuzo.”a Yithi qaphu qaphu ngalokho okushiwo INqabayokulinda ka-December 15, 2000, amakhasi 22-3, izigaba 15-18.

20 imiz: Ukusebenzisa Amapheshana Ekuqaleni Izifundo ZeBhayibheli. Inkulumo nengxoxo nezilaleli esekelwe kuyi-Nkonzo Yethu YoMbuso ka-November 2001, amakhasi 3-4. Veza ukuthi sizimisele ukuzivumelanisa nezimo zomfundi ngamunye, njengoba kushiwo esigabeni 5. Yiba nomboniso omfushane owodwa noma emibili esekelwe ezigabeni 8-10. Uma kukhona enye indlela esebenza kangcono ensimini yebandla, chaza futhi usebenzise yona esikhundleni salezi. Cela ukuba izilaleli zilandise okwenzeke lapho zisebenzisa ipheshana elithi Ungathanda Yini Ukwazi Okwengeziwe NgeBhayibheli?

INgoma 74 nomthandazo wokuphetha.

Isonto Eliqala Ngo-August 16

INgoma 189

10 imiz: Izaziso zebandla.

15 imiz: Gxilisa Iqiniso Ezinganeni Zakho. Inkulumo esekelwe encwadini ethi Injabulo Yomkhaya, amakhasi 55-9. Khuluma ngezindlela ezine abazali abangasiza ngazo izingane zabo ukuba zakhe ubuhlobo obuseduze noJehova, wenze indaba isebenze ebandleni.

20 imiz: “Ukuqhuba Izifundo ZeBhayibheli Ezithuthukayo”—Ingxenye 2.b Yiba nomboniso wemizuzu emihlanu. Ummemezeli ubuza umdala ukuthi angamsiza kanjani umfundi weBhayibheli ukuba athuthuke. Umdala uveza ukuthi isithiyo esivamile ukuchitha isikhathi eside esifundweni kuxoxwa ngemininingwane engabalulekile namaphuzu aseceleni. Esebenzisa isifundo 9 sencwajana ethi Yini UNkulunkulu Ayifunayo?, ubonisa ummemezeli ukuthi (1) angagxila kanjani emaphuzwini endaba ayinhloko, (2) angayisebenzisa kanjani ngokuphumelelayo imiBhalo ekhonjiwe nokuthi (3) angasivumelanisa kanjani isifundo nezidingo zomfundi. Uphawula nokuthi ukulungiselela kahle kudingekile isikhathi ngasinye kuzoqhutshwa isifundo.

INgoma 85 nomthandazo wokuphetha.

Isonto Eliqala Ngo-August 23

INgoma 33

15 imiz: Izaziso zebandla. Umbiko wezimali. Singazibekela umgomo wokufinyelela inani elisha eliphakeme labamemezeli ngo-August? Khumbuza abamemezeli ukuba babanikeze ngokushesha ababonisi babo beZifundo Zencwadi Zebandla imibiko yenkonzo yasensimini ka-August. Ababonisi bezifundo zencwadi kufanele babheke ukuthi bonke emaqenjini abo babikile yini ukuze yonke imibiko ihlanganiswe engakadluli u-September 6. Kufanele baqinisekise ukuthi yonke imibiko ebisele yonyaka wenkonzo inikwa unobhala. Bika intuthuko esiyenziwe ensimini engabelwe. Yazisa ibandla ngamalungiselelo ka-September. Xoxa noyedwa noma ababili ngempumelelo esifinyelelwe kuze kube manje. Bonisa indlela yokuhanjiswa kwe-Nqabayokulinda ka-September 1 ne-Phaphama! ka-September 8. Omunye umboniso makube owokufakaza kuthisha.

10 imiz: “Indlela Entsha Yokubukeza Izimiso Zemihlangano.” Inkulumo nengxoxo nezilaleli esekelwe esihlokweni esisekhasini 4. Yisho izinsuku zomhlangano wesifunda nomhlangano wosuku olulodwa olandelayo uma sezaziwa. Abafisa ukubhapathizwa kufanele bazise umbonisi owengamele kusenesikhathi.

20 imiz: Ukuhambisa Incwadi Ethi Ulwazi Ngo-September. Inkulumo nomboniso. Yisho okuye kwashiwo ngale ncwadi. (w97-ZU 1/15 k. 25 isig. 10) Yisho ngamafuphi ukuthi le ncwadi iquketheni, uveze amaphuzu angakhanga abantu abasensimini yebandla. (km-ZU 1/02 k. 5; km-ZU 3/98 k. 8; km-ZU 10/97 k. 1) Yisho intshumayelo elula enesingeniso esithathwe encwadini Ukubonisana noma kuyi-Nkonzo Yethu YoMbuso, umBhalo kanye nephuzu elisencwadini Ulwazi. Lo mboniso mawenziwe ummemezeli onekhono.

INgoma 220 nomthandazo wokuphetha.

Isonto Eliqala Ngo-August 30

INgoma 90

10 imiz: Izaziso zebandla. Khumbuza abamemezeli ukuba babanikeze ngokushesha ababonisi babo beZifundo Zencwadi Zebandla imibiko yenkonzo yasensimini ka-August.

15 imiz: “ISikole Sokuqeqeshela Inkonzo—Umnyango Omkhulu Oholela Emsebenzini.” Inkulumo nengxoxo nezilaleli. Veza nokushiwo e-Ncwadini Yonyaka Ka-2004, amakhasi 239-40. Yisho ukuthi emhlanganweni wesifunda kuba khona umhlangano walabo abanesithakazelo sokuya eSikoleni Sokuqeqeshela Inkonzo. Khuthaza abafanelekayo ukuba babe khona kulo mhlangano.

20 imiz: Uzuzile? Ingxoxo nezilaleli. Bukeza ukusikisela okulandelayo okwavela kuyi-Nkonzo Yethu YoMbuso ngonyaka wenkonzo odlule: Bhala isingeniso sakho ephepheni. (km-ZU 10/03 k. 12) Mncome ngokuqondile umuntu, ucacise futhi ukusho ngokusuka enhliziyweni. (km-ZU 11/03 k. 1) Fakaza ngezikhathi okungenzeka kakhulu ngazo ukuthi abantu basemakhaya. (km-ZU 12/03 k. 1) Beka isikhathi esiqondile sokufunda iBhayibheli, sokulungiselela imihlangano nesenkonzo yasensimini. (km-ZU 1/04 k. 4) Sebenzisa incwajana ethi “Izwe Elihle” esifundweni sakho siqu nalapho ufunda iBhayibheli. (km-ZU 3/04 k. 2) Zibekele umgomo wokulifunda lonke iBhayibheli. (km-ZU 4/04 k. 1) Fakaza ensimini yamabhizinisi. (km-ZU 7/04 k. 4) Sebenzisa amapheshana ukuqala izifundo zeBhayibheli. (km-ZU 8/04 k. 2) Cela izilaleli zisho izinzuzo ezizithole ngokusebenzisa lokhu kusikisela.

INgoma 145 nomthandazo wokuphetha.

Isonto Eliqala Ngo-September 6

INgoma 197

5 imiz: Izaziso zebandla.

15 imiz: Izidingo zebandla.

25 imiz: “Bonisa Umoya Wokuphayona.”c Yiba nengxoxo emfushane nephayona elilodwa noma amabili. Mawakhulume ngendlela isibonelo sabazali, abadala, noma abanye esabakhuthaza ngayo ukuba bahlale enkonzweni yesikhathi esigcwele.

INgoma 142 nomthandazo wokuphetha.

[Imibhalo yaphansi]