ISimiso SemiHlangano Yenkonzo

Isonto Eliqala Ngo-May 10

INgoma 193

10 imiz: Izaziso zebandla. IZaziso ezikhethwe kuyi-Nkonzo Yethu YoMbuso. Uma ukusikisela okusekhasini 4 kufaneleka ensimini yebandla lenu, kusebenzise ukuze wenze imiboniso yokuhanjiswa kwe-Nqabayokulinda ka-May 15 ne-Phaphama! ka-June 8. Nezinye izintshumayelo zingasetshenziswa. Embonisweni ngamunye, makuboniswe indlela ehlukile yokusabela emazwini okuvimba ingxoxo athi “Nginenkolo yami.”—Bheka incwadi Ukubonisana, amakhasi 18-19.

15 imiz: Izincwadi Ezintsha Esakujabulela Ukuzithola! Ingxoxo nezilaleli. Sajabula kakhulu ukuthola izincwadi ezimbili ezintsha eMihlanganweni Yezizwe Neyesigodi ‘Yokukhazimulisa UNkulunkulu.’ Incwadi ethi “Bona Izwe Elihle” ayifani nanoma iyiphi enye kwesinazo. Njalo lapho uphenya ikhasi, amakhasi amabili owabonayo akwembulela isici esithile seZwe Lesithembiso. Phawula eminye yemininingwane ekumabalazwe ahlukahlukene. Sikisela izindlela ezingokoqobo engasetshenziswa ngazo le ncwadi. Incwadi ethi Funda KuMfundisi Omkhulu iyothuthukisa ingokomoya lezingane zethu. Yisho ezinye zezihloko ezihambisana nesikhathi okuxoxwa ngazo, ubonise indlela abazali nezingane abangazuza ngayo. Cela izilaleli zisho ukuthi zizisebenzisa kanjani lezi zincwadi ezintsha ngokuphumelelayo.

20 imiz: “Yanulekani.”a Khulumela nesigaba 14 ekhasini 150 lencwadi ethi Khulekela UNkulunkulu.

INgoma 18 nomthandazo wokuphetha.

Isonto Eliqala Ngo-May 17

INgoma 188

10 imiz: Izaziso zebandla. IZindaba Ezingokwasezulwini.

15 imiz: “Bonisa Ukubonga.”b Cela izilaleli zikhulumele imiBhalo ekhonjiwe, kuye ngesikhathi esikhona. Lapho nixoxa ngesigaba 3, cela oyedwa noma ababili abakhonze njengamaphayona asizayo muva nje ukuba basho izibusiso okubalethele zona.

20 imiz: Siyakhathalelana. (1 Kor. 12:25, 26) Inkulumo nengxoxo nezilaleli esekelwe emakhasini 157-9 encwadi Ukuhlelelwa, ngaphansi kwesihlokwana esithi “Ukukhathalelana.” Nakuba njengabantu bakaJehova sihlala kuzo zonke izingxenye zomhlaba, sinobunye. Sonke kufanele sibathandazele nsuku zonke abafowethu. Siyashesha futhi ukusiza ngokwenyama lapho kunesidingo esiphuthumayo. Funda futhi uxoxe ngemiBhalo eyinhloko, uhlanganise nokuhlangenwe nakho okukodwa noma okubili okusezincwadini zethu.

INgoma 100 nomthandazo wokuphetha.

Isonto Eliqala Ngo-May 24

INgoma 128

12 imiz: Izaziso zebandla. Umbiko wezimali. Makube nomboniso wokuhanjiswa kwe-Nqabayokulinda ka-June 1 ne-Phaphama! ka-June 8. Intshumayelo ngayinye mayibekwe ngendlela ezokhanga umuntu wenkolo ethile yendawo.

15 imiz: “Umculo Oqabulayo.” Inkulumo nengxoxo nezilaleli. Khulumela nekhasi 175 le-Ncwadi Yonyaka Ka-2002, ne-Nqabayokulinda ka-February 1, 1997, ikhasi 27, izigaba 1-2.

18 imiz: Kulungele Ukushumayela Ngokwethukela. Inkulumo nengxoxo nezilaleli esekelwe ekhasini 3 le-Nkonzo Yethu YoMbuso ka-June 2003. Hlela kusengaphambili ukuba abambalwa baxoxe okuhlangenwe nakho abakuthole beshumayela ngokwethukela. Bonisa kafushane indlela elingase lisetshenziswe ngayo ipheshana elithi Ungathanda Yini Ukwazi Okwengeziwe NgeBhayibheli? nencwajana ethi Good News for All Nations ekushumayeleni ngokwethukela.

INgoma 211 nomthandazo wokuphetha.

Isonto Eliqala Ngo-May 31

INgoma 26

8 imiz: Izaziso zebandla. Khumbuza abamemezeli ukuba bafake imibiko yenkonzo yasensimini ka-May.

17 imiz: Ukuphila—Isipho Okufanele Saziswe. Ingxoxo nezilaleli esekelwe emakhasini 296-8 encwadi Ukubonisana. Khulumela namakhasi 10-11 e-Phaphama! ka-May 22, 1993. Ungamchazela kanjani umbono kaJehova umuntu onomuzwa wokuthi owesifazane unelungelo lokuzinqumela ezintweni eziphathelene nomzimba wakhe? Xoxa okuhlangenwe nakho okusekhasini 4, ezigabeni 4-5, kuyi-Nqabayokulinda ka-January 1, 2000.

20 imiz: “Ukuhambisa Incwadi Ethi Funda KuMfundisi Omkhulu.” Ngo-June sizobe sihambisa le ncwadi. Yisho izici zayo ezichazwe ekhasini 7, ezigabeni 1-3. Cela izilaleli zisho ukuthi yini eziyithandayo ngayo. Bukeza izintshumayelo ezisikiselwe. Qokomisa indlela yokukhulumela izithombe lapho uhambisa le ncwadi. Makube nomusha owenza umboniso ngentshumayelo yokuqala, kube nomuntu omdala owenza eyodwa kulezi ezinye. Uma ukusebenzisa indlela ehlukile bekungaphumelela kangcono ensimini yebandla, kungaxoxwa ngaleyo ndlela futhi kwenziwe umboniso wayo esikhundleni senye yezintshumayelo ezimbili zokugcina.

INgoma 24 nomthandazo wokuphetha.

Isonto Eliqala ngo-June 7

INgoma 136

10 imiz: Izaziso zebandla. Xoxa ngamaphuzu ayinhloko esihloko esithi “Ithuluzi Lokubasiza.” Yisho ezinye zezilimi ezitholakala ensimini yebandla.

15 imiz: Izidingo zebandla.

20 imiz: Sebenzisa Imifanekiso Ephumelelayo Ekufundiseni Kwakho. Inkulumo nengxoxo nezilaleli esekelwe emakhasini 22-4 e-Nqabayokulinda ka-September 1, 2002. Iziphi izici ezine ezenza umfanekiso uphumelele? Kungani kusiza ukwenza imifanekiso ibe lula? Singayitholaphi imifanekiso ekahle? Hlola ezinye zezibonelo ezisebhokisini ekhasini 23, bese usho ukuthi yini eyenza umfanekiso ngamunye uphumelele.

INgoma 133 nomthandazo wokuphetha.

[Imibhalo yaphansi]