Ongakusho Ngomagazini

INqabayokulinda Jan. 15

“Ngenxa yokuthi ziningi kangaka izithembiso eziphulwayo kulezi zinsuku, abaningi bakuthola kunzima ukwethemba omunye umuntu. Ingabe ucabanga ukuthi ukhona umuntu esingazethemba izithembiso zakhe? [Lindela impendulo bese ufunda uJoshuwa 23:14.] Lo magazini ubonisa indlela esingalwakha ngayo ukholo ezithembisweni zikaNkulunkulu ezilotshwe eBhayibhelini.”

INqabayokulinda Feb. 1

“Iningi lethu liyazama ukunakekela impilo yethu. Nokho, ukuhlola kwamuva kubonisa ukuthi ingokomoya lethu liyayithinta impilo yethu. Ucabanga ukuthi lokho kungenzeka? [Lindela impendulo bese ufunda uMathewu 5:3.] Le Nqabayokulinda ikhuluma ngendlela esingalinakekela ngayo ingokomoya lethu.”

Phaphama! Feb. 8

“Libhalwa kanje igama likaNkulunkulu ngesiHebheru. [Mbonise isembozo.] Abanye abantu bakholelwa kakhulu ukuthi leli gama akufanele neze liphinyiselwe. Abanye balisebenzisa ngokukhululekile. Le Phaphama! ihlaziya le mpikiswano. Ikhuluma nangendlela esingamazi ngayo ngegama uNkulunkulu.” Funda iHubo 83:18.

“Abantu abaningi namuhla bamatasa ngakho bayakudinga ukuphumula. Mhlawumbe uzovumelana nala mazwi abhalwa eminyakeni engaphezu kuka-3 000 edlule. [Funda umShumayeli 4:6 bese ulindela impendulo.] Le Phaphama! inikeza ukwaziswa okuwusizo mayelana nokuqaphela ukuthi awulali ngokwanele nokuthi ungabhekana kanjani nale nkinga.”