ISimiso SeMihlangano Yenkonzo

Isonto Eliqala Ngo-January 12

INgoma 224

10 imiz: Izaziso zebandla. IZaziso ezikhethwe kuyi-Nkonzo Yethu YoMbuso. Bakhuthaze bonke ukuba babukele i-video ethi Transfusion-Alternative Health Care—Meeting Patient Needs and Rights belungiselela ukuxoxa ngayo eMhlanganweni Wenkonzo wesonto lango-January 26. Usebenzisa ukusikisela okusekhasini 4, bonisa indlela yokuhanjiswa kwe-Nqabayokulinda ka-January 15 ne-Phaphama! ka-February 8. Embonisweni ngamunye, mabahanjiswe kanye kanye lab’ omagazini, nakuba kukhulunyelwa owodwa. Ngemva komboniso ngamunye, veza ezinye zezici zawo ezinhle.

15 imiz: “Ukuhlakanipha Okuvela KuNkulunkulu Kubaluleke Kakhulu.”a Uma isikhathi sivuma, cela izilaleli zikhulumele imiBhalo ekhonjiwe.

20 imiz: “Qaphelisisa Indlela Osebenzisa Ngayo Isikhathi.”b Cela ukuba izilaleli zisho lokho ezikwenzayo ukuze izinto ezingabalulekile zingadli isikhathi sezinto ezingokomoya.

INgoma 186 nomthandazo wokuphetha.

Isonto Eliqala Ngo-January 19

INgoma 95

5 imiz: Izaziso zebandla. Bakhuthaze bonke ngoMhlangano Wenkonzo okhethekile ngesonto elizayo, esizobukeza ngawo i-video ethi Patient Needs and Rights bese sixoxa ngamakhadi athi Advance Medical Directive/Release futhi anikezwe abamemezeli.

10 imiz: IBhokisi Lemibuzo. Inkulumo enikezwa umdala.

15 imiz: Izidingo zebandla.

15 imiz: Sebenzisa IZwi LikaNkulunkulu Ekuphileni Kwakho Usuku Ngalunye. Inkulumo nengxoxo nezilaleli. Bakhuthaze bonke ukuba bayisebenzise kahle ethi Ukuhlola ImiBhalo Nsuku Zonke—2004. Xoxani ngesandulela, emakhasini 3-4. Buza izilaleli ukuthi zona zithola kuyisiphi isikhathi esingcono kakhulu sokuhlola itekisi losuku. Xoxa nebandla ngetekisi lanamhlanje kanye nokukhulunyelwa kwalo. Cela izilaleli ukuba ziveze ukuthi singakusebenzisa kanjani ngokoqobo lokhu kwaziswa. Bakhuthaze bonke ukuba nsuku zonke lapho bexoxa ngetekisi losuku bacabangele kafushane indlela abangakusebenzisa ngayo abakufundile.

INgoma 73 nomthandazo wokuphetha.

Isonto Eliqala Ngo-January 26

INgoma 158

12 imiz: Izaziso zebandla. Umbiko wezimali. Khumbuza abamemezeli ukuba bafake imibiko yenkonzo yasensimini ka-January. Usebenzisa ukusikisela okusekhasini 4, bonisa indlela yokuhanjiswa kwe-Nqabayokulinda ka-February 1 ne-Phaphama! ka-February 8. Embonisweni ngamunye, mabahanjiswe kanye kanye lab’ omagazini, nakuba kukhulunyelwa owodwa. Komunye umboniso, bonisa indlela ongabahambisa ngayo kumakhelwane.

18 imiz: “I-video Eqokomisa Inqubo Ebalulekile Yezokwelapha.” Kufanele isingathwe umdala ofanelekayo. Funda izEnzo 15:28, 29, ugcizelele kafushane ukuthi isizathu esiyinhloko sokuba amaKristu enqabe ukumpontshelwa igazi ukuhlonipha umthetho kaNkulunkulu ngobungcwele begazi. Ngaphandle kokupholisa amaseko, yibe usuxoxa nge-video ethi Patient Needs and Rights, usebenzise imibuzo esesihlokweni. Phetha ngokufunda isigaba sokugcina.

15 imiz: Ukubhekana Ngesibindi Nezinkinga Zokwelapha. Inkulumo enikezwa umdala ofanelekayo, esebenzisa uhlaka oluvela ehhovisi legatsha. Bukezani amaphuzu avelele asebhokisini elithi “Amalungiselelo Okusisiza Ukuba Siyeke Igazi.”

INgoma 177 nomthandazo wokuphetha.

Isonto Eliqala Ngo-February 2

INgoma 204

10 imiz: Izaziso zebandla. Yisho isipho sango-February.

15 imiz: Lingisa UPawulu Njengoba Alingisa UKristu. (1 Kor. 11:1) Ingxoxo nezilaleli. NjengoJesu, uPawulu wawasebenzisa kahle amathuba okufakaza ‘kulabo okwakwenzeka ukuba babe khona.’ (IzE. 17:17) Imaphi amathuba akhona okwenza lokhu ensimini yethu? Obani abasuke ‘bekhona’ lapho siyothenga, sisemsebenzini noma esikoleni, noma sisezintweni zokuhamba zomphakathi? Obani esingase sibonane nabo lapho sisekhaya? Cela ukuba izilaleli zilandise okwenzeke lapho zifakaza kubantu ezihlangane nabo ekuphileni kwansuku zonke.

20 imiz: Ukwakha Ubungane Nesikholwa Nabo. (IzAga 18:24; 27:9) Inkulumo nengxoxo nezilaleli esekelwe kuyi-Nqabayokulinda ka-December 1, 2000, amakhasi 22-3. Esinye sezibusiso ezitholakala ekukhulekeleni kweqiniso yithuba lokuthola abangane bangempela. Ukuba ndawonye emihlanganweni, enkonzweni yasensimini nangezinye izikhathi kusikhuthaza kakhulu. Singabakha kanjani ubungane nabanye ebandleni? Bukeza ibhokisi elithi “Izinyathelo Eziyisithupha Zokwakha Ubungane Obuhlala Njalo,” bese ucela izilaleli ukuba zisho indlela iphuzu ngalinye elingasetshenziswa ngayo ekusebenzelaneni nabafowethu.

INgoma 151 nomthandazo wokuphetha.

[Imibhalo yaphansi]