ISimiso Semihlangano Yenkonzo

Isonto Eliqala Ngo-October 13

INgoma 215

10 imiz: Izaziso zebandla neZaziso ezikhethwe kuyi-Nkonzo Yethu YoMbuso. Usebenzisa ukusikisela okusekhasini 12, yiba nemiboniso emibili yokuhanjiswa kwe-Nqabayokulinda ka-October 15 ne-Phaphama! ka-November 8 ebonisa isimo esingokoqobo. Kuyo yomibili, mabahanjiswe kanye kanye labo magazini, ngisho noma kukhulunyelwa owodwa. Komunye, bonisa ukwenziwa kwempindelo kumuntu ongumzila kamagazini. Beka isisekelo sokuhambela okulandelayo ngokukhulumela ibhokisi elithi “Kumagazini Olandelayo.”—Bheka INkonzo Yethu YoMbuso ka-October 1998, k. 12, izig. 7-8.

20 imiz: “Khonzani UJehova Ngokuthokoza.”a (Kule ngxoxo wonke umuntu kufanele aphathe isenezelo se-Nkonzo Yethu YoMbuso ka-January 2002.) Ngemva kokuxoxa ngesigaba 4, yisho ukuthi ngo-November sizobe sihambisa incwajana ethi Yini UNkulunkulu Ayifunayo? kanye nencwadi Ulwazi. Bukeza kafushane enye yezintshumayelo ezisikiselwe esenezelweni se-Nkonzo Yethu YoMbuso ka-January 2002. Yibe usuba nomboniso wabamemezeli belingisa indlela abazoyisebenzisa ngayo leyo ntshumayelo. Bakhuthaze bonke ukuba bayilungiselele kahle inkonzo.

15 imiz: “Ukubuthana Ndawonye Ukuze Sidumise UJehova.”b Sebenzisa imibuzo elungiselelwe. Khuthaza bonke ukuba babe khona esimisweni ngasinye, kusukela ngosuku lokuqala kuze kube iSonto ntambama. Gcizelela isidingo sokukwenza esikufundayo kunokukuzwa nje kuphela. Ngo-February kuyobuyekezwa amaphuzu avelele omhlangano wesigodi. Khuthaza bonke ukuba babhale amaphuzu.

INgoma 172 nomthandazo wokuphetha.

Isonto Eliqala Ngo-October 20

INgoma 86

10 imiz: Izaziso zebandla. Nikeza umbiko omfushane ngomkhankaso wensimu engabelwe. Xoxa ngamalungiselelo okugcina empelasonto ka-November 1 no-2, 2003, ukhuthaze bonke ukuba bahlanganyele.

15 imiz: “Umphumela Wama-video Anikeza Ubufakazi.” Ingxoxo nezilaleli. Ngemva kokuxoxa kafushane ngezibonelo ezinikezwe esihlokweni, cela abamemezeli balandise ngemiphumela emihle abayitholile ngokubukisa abanye la ma-video. Amabandla angenayo imishini yokudlala ama-video angaxoxa ngezidingo zebandla.

20 imiz: “Izingubo Ezilungiswe Kahle Zibonisa Ukuhlonipha UNkulunkulu.”c Kumelwe isingathwe umdala. Sebenzisa imibuzo elungiselelwe. Umzalwane ofunda kahle makafunde izigaba.

INgoma 112 nomthandazo wokuphetha.

Isonto Eliqala Ngo-October 27

INgoma 64

10 imiz: Izaziso zebandla. Umbiko wezimali. Khumbuza abamemezeli ukuba balethe imibiko yenkonzo yasensimini ka-October. Khuthaza bonke ukuba babukeze amaphuzu abo esimiso somhlangano okhethekile wosuku olulodwa sangonyaka wenkonzo odlule belungiselela uMhlangano Wenkonzo wangesonto elizayo. Usebenzisa ukusikisela okusekhasini 12, yiba nemiboniso emibili yokuhanjiswa kwe-Nqabayokulinda ka-November 1 ne-Phaphama! ka-November 8. Kuyo yomibili, mabahanjiswe kanye kanye labo magazini, ngisho noma kukhulunyelwa owodwa. Komunye, bonisa indlela yokuphendula ozama ukuvimba ingxoxo ngokuthi “Anginasithakazelo.”—Bheka incwadi Ukubonisana, k. 16.

20 imiz: “Yibani Abahluzekile Engqondweni Njengoba Ukuphela Kusondela.”d Lapho nixoxa ngezigaba 3-4, cela ukuba abamemezeli basho ukuthi imiphi imigomo abasebenzela ukuyifinyelela njengamanje. Khulumela nalokho okushiwo ekhasini 176 encwadini ethi Khulekela UNkulunkulu.

15 imiz: “Yiba Yisibonelo Emisebenzini Emihle.”e Sebenzisa imibuzo elungiselelwe. Gcizelela isidingo sokubambisana namalungiselelo ezindawo zokulala esenzelwe wona. Chaza ukuthi kungani kubalulekile ukuba wonke umuntu aziphathe kahle.

INgoma 52 nomthandazo wokuphetha.

Isonto Eliqala Ngo-November 3

INgoma 147

10 imiz: Izaziso zebandla. IZindaba Ezingokwasezulwini.

10 imiz: Izidingo zebandla.

25 imiz: Ceba Emisebenzini Emihle. (1 Thim. 6:18) Esebenzisa imibuzo ehlelwe lapha, umdala uxoxa nezilaleli ngesimiso somhlangano okhethekile wosuku olulodwa sangonyaka wenkonzo odlule. Cela ibandla ukuba lisho indlela elikusebenzise ngayo elikufundile. (Izingxenye ezizokhulunyelwa zingabiwa kusengaphambili.) Qokomisa izinkulumo ezilandelayo: (1) “Imisebenzi Emihle Izuzisa Kakhulu.” (UmSh. 2:11) Kungani izinceku zikaNkulunkulu zikhuthalela ukwenza imisebenzi emihle echazwe eZwini LikaNkulunkulu kunemisebenzi eyize yaleli zwe? (2) “Ceba Emehlweni KaNkulunkulu.” (Math. 6:20) Abanye ‘bazibekele kanjani ingcebo ezulwini,’ futhi bazuzani? (3) “Cebisa Inkonzo Yakho Ngesifundo SeBhayibheli.” (om-ZU k. 91) Yini engasisiza ukuba siqale futhi siqhube isifundo seBhayibheli? (4) “Imisebenzi Emihle Kulesi Sikhathi Sokuvuna.” (Math. 13:37-39) Isiphi isibonelo semisebenzi emihle amaKristu okuqala asibeka, futhi umsebenzi woMbuso uye wanda kangakanani osukwini lwethu? (5) “Imisebenzi Yakho Emihle Mayikhazimulise UJehova.” (Math. 5:14-16) Abanye bakwenze kanjani ‘ukukhanya kwabo kwakhanya’? (6) “Ukuncoma Intsha Ngemisebenzi Emihle Yokudumisa UJehova.” (IHu. 148:12, 13) Intsha engamaKristu esifundeni sethu imdumisa kanjani uJehova? (7) “Qhubeka Wenza Imisebenzi Emihle, Uvune Izibusiso ZikaJehova.” (IzAga 10:22) Njengoba sizigcina simatasa emisebenzini emihle, iziphi izibusiso esingazithola njengabantu ngabanye, njengemikhaya, njengebandla, nanjengenhlangano yomhlaba wonke?

INgoma 180 nomthandazo wokuphetha.

[Imibhalo yaphansi]