ISimiso Semihlangano Yenkonzo

Isonto Eliqala Ngo-May 12

INgoma 1

10 imiz: Izaziso zebandla. IZaziso ezikhethwe kuyi-Nkonzo Yethu YoMbuso. Usebenzisa ukusikisela okusekhasini 8, yiba nemiboniso emibili yokuhanjiswa kwe-Nqabayokulinda ka-May 15 ne-Phaphama! ka-June 8. Embonisweni ngamunye, kumelwe bahanjiswe kanyekanye labo magazini, nakuba kukhulunyelwa owodwa. Makukhulunyelwe nelungiselelo lokunikela.

20 imiz: Bazali—Sizani Izingane Zenu Zithuthuke. Inkulumo exoxa ngamaphuzu avelele athathwe encwadini ethi ISikole Senkonzo, amakhasi 9-12 no-21-38. Khuthaza abazali ukuba basebenzise okunye kwalokhu kwaziswa esifundweni sabo somkhaya, ngenjongo yokuqeqesha izingane zabo ukuba zithuthuke enkonzweni. Veza amaphuzu akhethekile angasetshenziswa ukuze kusizwe abasha babe namakhono adingekile.

15 imiz: “Siphathiswe Izindaba Ezinhle.”a Hlela kusengaphambili ukuba nommemezeli oyedwa noma ababili abazothi qaphu qaphu ngendlela abakwaze ngayo ukulungisa izimo zabo ukuze bandise ingxenye yabo emsebenzini wokushumayela.

INgoma 46 nomthandazo wokuphetha.

Isonto Eliqala Ngo-May 19

INgoma 62

15 imiz: Izaziso zebandla. Umbiko wezimali. Xoxani ngesithi “Ukwakhiwa KwamaHholo OMbuso Kwamanye Amazwe AseYurophu.” Yisho ukuthi ukwakhiwa kwamaHholo OMbuso emazweni angenazo izimali ezanele nasensimini yegatsha lakithi kusekelwa ngeminikelo efakwa eSikhwameni SamaHholo OMbuso.

15 imiz: Izidingo zebandla.

15 imiz: “Dumisa UJehova Ngokufakaza Ngokwethukela.” Inkulumo nengxoxo nezilaleli. Lapho nixoxa ngesigaba 3, buza izilaleli ukuthi yini engashiwo ukuze kuqalwe ingxoxo yeBhayibheli kulezi zimo ezilandelayo: (1) lapho umi emgqeni wokuyokhokha esitolo, (2) lapho usentweni yokuhamba yomphakathi, (3) kumakhelwane osebenza egcekeni kwakhe, (4) emsebenzini kosebenza naye, (5) esikoleni kofunda naye. Hlela kusengaphambili ukuba kulandiswe okwenzeke ebandleni okubonisa indlela ummemezeli aphumelele ngayo ukufakaza ngokwethukela.

INgoma 135 nomthandazo wokuphetha.

Isonto Eliqala Ngo-May 26

INgoba 174

10 imiz: Izaziso zebandla. Khumbuza bonke ukuba balethe imibiko yenkonzo ka-May. Usebenzisa ukusikisela okusekhasini 8, yiba nemiboniso emibili ebonisa ukuhanjiswa kwe-Nqabayokulinda ka-June 1 ne-Phaphama! ka-June 8. Kuyo yomibili imiboniso kufanele bahanjiswe kanyekanye labo magazini, nakuba kukhulunyelwa owodwa. Ekuphetheni komunye wale miboniso, umninikhaya ongabamukelanga omagazini makashiyelwe ipheshana elithi Ungathanda Yini Ukwazi Okwengeziwe NgeBhayibheli?

10 imiz: IBhokisi Lemibuzo. Inkulumo. Bukeza kafushane okunye ukusikisela okungasetshenziswa ekushumayeleni ngocingo okwavela kuyi-Nkonzo Yethu YoMbuso ka-February 2001, ikhasi 6 izigaba 12-15, noma okunye okuye kwasebenza ensimini yebandla.

25 imiz: “IZwi LikaNkulunkulu Liyiqiniso.”b Sebenzisa imibuzo elungiselelwe. Cela izilaleli ukuba zisho ukuthi zasizwa kanjani ukuba zifunde iqiniso lapho abamemezeli besebenzisa iBhayibheli ekuphenduleni imibuzo yabo. Lapho nixoxa ngesigaba 4, yiba nommemezeli onekhono obonisa indlela yokusebenzisa iBhayibheli ekuhambeleni kokuqala, esebenzisa okunye kokusikisela okusesihlokweni esithi “Phatha IZwi LikaNkulunkulu Ngokufanele.”—km-ZU 12/01 k. 1 izig. 3-4.

INgoma 188 nomthandazo wokuphetha.

Isonto Eliqala Ngo-June 2

INgoma 210

10 imiz: Izaziso zebandla. Izindaba Ezingokwasezulwini. Bukeza ukusikisela okukodwa noma okubili okusesenezelweni se-Nkonzo Yethu YoMbuso ka-January 2002 kokuhambisa incwajana ethi Yini UNkulunkulu Ayifunayo? nencwadi ethi Ulwazi.

20 imiz: Umshado Ohloniphekile—Yimfuneko KaNkulunkulu. Inkulumo nengxoxo nezilaleli. Emazweni amaningi, sekuvamile ukuba imibhangqwana ihlalisane ingashadile ngokomthetho. Abanye bathi lokhu kunezinzuzo ezithile. Veza umbono weBhayibheli, ugcizelele ukuthi umshado wasungulwa uNkulunkulu. (rs-ZU kk. 384-6) Ukuhlalisana ngaphandle kokushada kuwubufebe. (fy-ZU k. 17) Ngokungafani nalokho abaningi abakukholelwayo, ukuhlola kubonisa ukuthi ukuhlala ndawonye ngaphambi kokushada kunciphisa amathuba okuba umshado uphumelele. (g02 3/8 k. 29; g92-ZU 9/8 k. 28; g91-ZU 5/8 k. 28) AmaKristu adumisa uJehova ngokuphila ngokuvumelana nezindinganiso zakhe. Ngokwenza kanjalo, ayazizuzisa nawo ngokwawo.—Isaya 48:17, 18.

15 imiz: Yini Oyizuzayo? Ingxoxo nezilaleli okumelwe isingathwe umbonisi wesikole. Kusukela ngo-January, saqala ukusebenzisa uhlelo olusha lweSikole Senkonzo Esingokwasezulwini. Bukeza kafushane ezinye zezici ezintsha zesikole. Qokomisa imiphumela emihle esibé khona kuze kube manje. Ingabe bakhona abengeziwe ababhalisile esikoleni? Ingabe kuyanda ukuzimisela ukuhlanganyela ngezimpendulo? Ingabe abafundi bayazuza emalungiselelweni amasha okunikeza iseluleko? Cela izilaleli ukuba zilandise indlela ezisizakale ngayo kuze kube manje nokuthi zicabanga ukuthi lesi simiso sizozisiza kanjani esikhathini esizayo.

INgoma 225 nomthandazo wokuphetha.

[Imibhalo yaphansi]