‘Beka Okuthile Eceleni’

Ebandleni lamaKristu okuqala, kwakunezidingo zezinto ezibonakalayo okwadingeka zinakekelwe. Umuntu ngamunye wakhuthazwa ukuba ‘abeke okuthile eceleni’ kuye ngokuchuma kwakhe. Lokhu kwakuzoba umnikelo wokuhlangabezana nalezo zidingo. (1 Kor. 16:1-3) Ngenxa yokuphana kwabo, bonke bakujabulela ukuba ‘nezenzo eziningi zokubonisa ukubonga kuNkulunkulu.’—2 Kor. 9:11, 12.

Namuhla umsebenzi womhlaba wonke wabantu bakaJehova uqhubeka wanda, okwenza kudingeke ukusekela okukhula njalo ngokwezimali. Kuyafaneleka ukuba nathi ‘sibeke okuthile eceleni’ njalo ukuze sisize ekugcwaliseni leso sidingo. (2 Kor. 8:3, 4) Ukuphana ngezinto ezibonakalayo kungenziwa ngezindlela ezihlukahlukene. (Bheka INqabayokulinda ka-November 1, 2001, amakhasi 28-9.) Lokhu sikubheka ngokufanele njengelungelo eliletha injabulo yangempela.—IzE. 20:35.