ISimiso Semihlangano Yenkonzo

PHAWULA: INkonzo Yethu YoMbuso izohlela uMhlangano Wenkonzo wesonto ngalinye phakathi nesikhathi somhlangano wesigodi. Amabandla angase enze ushintsho oludingekile ukuze akwazi ukuba khona eMhlanganweni Wesigodi ‘Wabafundisi Bezwi LikaNkulunkulu.’ Sebenzisani imizuzu engu-15 eMhlanganweni Wenkonzo ongaphambi kokuba niye emhlanganweni ukuze nibukeze iseluleko esiqondile esisesenezelweni sika-October okungenzeka siyafaneleka ebandleni lakini. Phakathi nenyanga ka-January 2002, kuyoba noMhlangano Wenkonzo wonke oyosetshenziselwa ukubukeza amaphuzu avelele omhlangano wesigodi. Ukuze siwulungiselele, sonke singabhala amaphuzu awusizo emhlanganweni kuhlanganise nohlu lwamaphuzu esifuna ukuwasebenzisa ekuphileni kwethu siqu nasenkonzweni yasensimini. Khona-ke siyobe sikulungele ukuchaza indlela esesikusebenzise ngayo lokho kusikisela kusukela sibuyile emhlanganweni. Kuyoba okwakhayo komunye nomunye ukuzwa lowo nalowo kithi elandisa indlela azuza ngayo esiyalweni esihle esisitholile.

Isonto Eliqala Ngo-November 12

INgoma 170

8 imiz: Izaziso zebandla. IZaziso ezikhethiwe kuyi-Nkonzo Yethu YoMbuso. Cabangelani isaziso esingenhla ngokuphathelene nokulungiswa okwenziwe eMhlanganweni Wenkonzo nokuthi yini ehlelelwe uMhlangano Wenkonzo ka-January 2002, lapho kuyobe kubukezwa amaphuzu avelele omhlangano wesigodi.

15 imiz: “Ncika KuJehova Ukuze Uthole Amandla.”a Khulumela kafushane INqabayokulinda ka-October 1, 1999, amakhasi 18-19, izigaba 6-8.

22 imiz: “Sinethuluzi Elisha Lokuqala Izifundo!” Ingxoxo nezilaleli okumelwe isingathwe umbonisi wenkonzo. Lapho uqala le ngxoxo, abalindi mabanikeze wonke umuntu okhona ikhophi eyodwa yepheshana elisha elithi Ungathanda Yini Ukwazi Okwengeziwe NgeBhayibheli? uma litholakala. Hlanganisa nemiboniso yezintshumayelo ezimbili ezilungiselelwe kahle, kusetshenziswa ukusikisela okutholakala ebhokisini elithi, “Ongase Ukusho Ngomagazini.” Omunye ummemezeli uhambisa INqabayokulinda ka-November 15, omunye ahambise i-Phaphama! ka-November 22. Entshumayelweni ngayinye ummemezeli uphetha ngokunikeza umninikhaya ipheshana elithi Yazi IBhayibheli—kulowo ongabamukeli omagazini nakulowo obamukelayo. Bakhuthaze bonke ukuba babanike leli pheshana bonke labo abahlangana nabo enkonzweni.

INgoma 191 nomthandazo wokuphetha.

Isonto Eliqala Ngo-November 19

INgoma 172

12 imiz: Izaziso zebandla. Umbiko wezimali. IZindaba Ezingokwasezulwini.

15 imiz: Izidingo zebandla.

18 imiz: “Thuthukisa Amandla Akho Okuqonda.”b Umdala ubukeza ngomdlandla isimiso somhlangano wosuku olulodwa obungonyaka wenkonzo odlule.

INgoma 195 nomthandazo wokuphetha.

Isonto Eliqala Ngo-November 26

INgoma 177

15 imiz: Izaziso zebandla. Khumbuza abamemezeli ukuba banike umqhubi wabo wesifundo sencwadi imibiko yenkonzo yasensimini ka-November. Usebenzisa ukusikisela okunikezwe kwesithi, “Ongase Ukusho Ngomagazini,” yiba nemiboniso yezintshumayelo ezimbili zikamagazini ezilungiselelwe kahle—omunye usebenzise INqabayokulinda ka-December 1, omunye usebenzise i-Phaphama! ka-December 8. Yibe usuchaza indlela yokuthola intshumayelo engasetshenziswa lapho kuhanjiswa incwadi Umuntu Omkhulu noma enye yezincwadi ezingasetshenziswa esikhundleni sayo ngo-December. Bheka kwethi Watch Tower Publications Index ngaphansi kwesithi “Presentations [Izintshumayelo]” nesihlokwana esimaphakathi esithi “List by Publication [Uhlu Ngokwezincwadi].” Nikeza isibonelo esisodwa noma ezimbili. Khumbuza wonke umuntu ukuba alisebenzise kakhulu ipheshana elithi Ungathanda Yini Ukwazi Okwengeziwe NgeBhayibheli?

15 imiz: “Ngingasitholaphi Isikhathi?” Inkulumo nengxoxo nezilaleli. Veza namaphuzu asemqoka kuyi-Nqabayokulinda ka-October 1, 2000, amakhasi 20-1, izigaba 9-10, ngaphansi kwesihlokwana esithi, “Indlela Abanye Abasivula Ngayo Isikhala Sokutadisha.” Cela izilaleli ukuba zisho izindlela eziwusizo eziye zathola ngazo isikhathi sezinto ezibaluleke kakhulu ngokususa iminako engadingekile. Gcizelela isidingo sokuba umuntu ahlele isikhathi sakhe ukuze abe nesifundo somuntu siqu, isifundo somkhaya, aye emihlanganweni yebandla, enkonzweni yasensimini futhi afunde iBhayibheli nsuku zonke.

15 imiz: Izingane Zidumisa UJehova. Ingxoxo nezilaleli. Amabandla amaningi anezingane eziningi ezihlanganyelayo emsebenzini wokushumayela. Kuyafaneleka ukuba zenze kanjalo, nakuba kusho ukufakaza kubantu abadala ngokuvamile. (IHu. 148:12, 13; Math. 21:15, 16) Izingane zithola injabulo eyengeziwe enkonzweni yasensimini lapho abazali nabanye abamemezeli beba nesithakazelo kuzo, bezikhuthaza futhi beziqeqesha. Cela izilaleli ukuba zisikisele izindlela ezingahilela ngazo izingane emsebenzini wendlu ngendlu nasekwenzeni izimpindelo. Cela abazali balandise lokho abaye bakwenza ukuze basize izingane zabo zifunde indlela yokuhambisa omagazini, ukusebenzisa iBhayibheli ezintshumayelweni zazo, nokukhuluma ngokuzethemba endlini ngendlu. Gcizelela izinzuzo zokuncoma izingane. Xoxa nommemezeli oyedwa noma ababili abasebancane, basho ukuthi yini abayijabulelayo ngomsebenzi wokushumayela futhi ngani.

INgoma 198 nomthandazo wokuphetha.

Isonto Eliqala Ngo-December 3

INgoma 179

10 imiz: Izaziso zebandla. Tusa bonke abaye bahlanganyela emkhankasweni wensimu engabelwe. Nikeza umbiko walokho okufeziwe futhi ulandise nanoma yikuphi okuhlangenwe nakho okuthakazelisayo.

15 imiz: Izici Zencwadi Ethi Ukubonisana. Ingxoxo nezilaleli. Cabangelani izibonelo ezilandelayo zendlela izici ezihlukahlukene kule ncwadi eziwusizo kakhulu ngayo ekuchazeni izimfundiso zeBhayibheli: Izincazelo, njengencazelo ‘yoMbuso’ (ikhasi 356) noma “Umoya” (ikhasi 369); ukuqhathanisa ukuhumusha okunikezwa izinguqulo ezihlukahlukene, okubonisa ukuthi igama likaNkulunkulu lisetshenziswe kuphi futhi kanjani eBhayibhelini (amakhasi 240-2) noma iqiniso ngesihogo (amakhasi 135-6); izinhlu, eziningiliza izinkolelo ezisenza sihluke kwezinye izinkolo (amakhasi 206-7) noma ezibonisa indlela umuntu angazi ngayo inkolo eqondile (amakhasi 106-7); isizinda esingokomlando, esembula umsuka kaKhisimusi (amakhasi 35-7) noma ukungathathi hlangothi kwamaKristu okuqala (amakhasi 311-13); ubufakazi besayensi, obusekela indalo (amakhasi 87-8) noma obubonisa ingozi yokubhema insangu noma ugwayi (amakhasi 162-5). Khuthaza bonke abamemezeli ukuba bayisebenzise le nsiza-kufundisa enhle noma nini lapho kuvela khona amathuba enkonzweni yasensimini.

20 imiz: “Izibusiso Ezilethwa Ukubonisa Ukwazisa Ngothando LukaJehova—Ingxenye 1.”c Lapho ukhulumela izigaba 3-6, cela ibandla lilandise okuhlangenwe nakho okukhuthazayo elibe nakho emsebenzini wendlu ngendlu, wokufakaza emigwaqweni, wezimpindelo nezifundo zeBhayibheli.

INgoma 200 nomthandazo wokuphetha.

[Imibhalo yaphansi]