IZindaba Ezingokwasezulwini

◼ Ngo-August nango-September kwanikezelwa amaHholo OMbuso amasha angu-16. Lezi izindaba ezinhle ngempela futhi ziyajabulisa! Phakathi no-August kwanikezelwa la mahholo angu-11 alandelayo: Elase-Alice, Middledrift, Ngxaza, Noncampa, Pepeni, Sugarbush nelaseTabankulu (wonke aseMpumalanga Kapa), elaseBhekuzulu nelaseThandukukhanya (KwaZulu-Natal), elaseGa-Rankuwa Zone 1 (eGauteng) nelaseNyakatho Maseru (eLesotho). Lokhu kwenza ukuba inani lamahholo anikezelwe phakathi nonyaka wenkonzo ka-2000 abe ngu-27. Phakathi no-September kwanikezelwa amahholo ayisihlanu, okungukuthi: ElaseNseleni (KwaZulu-Natal), elaseMorija (eLesotho), elaseGelvandale nelaseJansenville (eMpumalalanga Kapa), nelaseSomerset West (eNtshonalanga Kapa).

Sifisa ukuzwakalisa ukubonga nokwazisa emaKomitini Okwakha Ezifunda (Regional Building Committees, [RBC]), izisebenzi zokuzithandela nemikhaya yazo ngenxa yomoya wazo wokuzidela ngokusiza ekwakheni amaHholo OMbuso adingeka kakhulu. Ngokwemibhalo yethu manje sesinamaHholo OMbuso angaphezu kuka-500 anikezelwe. Nokho, kusadingeka amahholo angu-315 (emabandleni anabamemezeli abangaphezu kuka-30). Sikhuthaza wonke amabandla asadinga ihholo ukuba (1) athole isiza, (2) axhumane ne-RBC yawo futhi (3) aqhubeke enikela esikhwameni sawo sokwakha. INdikimba Ebusayo ingathanda ukuba ibandla ngalinye lihlanganyele kwelalo iHholo LoMbuso. Ngakho, kuyokwaziswa kakhulu uma iningi lethu lingasiza ama-RBC ekwakheni la mahholo adingeka kangaka.