IMihlangano Yenkonzo Ka-November
Isonto Eliqala Ngo-November 2
INgoma 38
10 imiz: Izaziso zebandla. IZaziso ezikhethiwe ezikuyi-Nkonzo Yethu YoMbuso. IZindaba Ezingokwasezulwini. Khulumela umbiko ka-August wenkonzo yasensimini webandla. Khuthaza bonke ukuba bafake umbiko wabo ka-October wenkonzo yasensimini.
15 imiz: “Bonke Kumelwe ‘Bamukele Izwi Ngenhliziyo Yonke’!” Imibuzo nezimpendulo. Hlanganisa nokunye ukusikisela okusesenezelweni se-Nkonzo Yethu YoMbuso ka-June 1996, isigaba 21.
20 imiz: “Ngifuna Isifundo SeBhayibheli!” Ingxoxo nezilaleli, eqhutshwa umbonisi wenkonzo. Chaza indlela lo mzamo wokubambisana ukuze kwenziwe izimpindelo ozohlelwa ngayo ebandleni. Ngokwezinga okungenzeka ngalo, abamemezeli abanokuhlangenwe nakho bangase basebenze nabasanda kuhlanganyela. Kufanele amaqembu agcinwe emancane ukuze kwenziwe izimpindelo eziningi. Bukeza ukusikisela okusesenezelweni se-Nkonzo Yethu YoMbuso ka-April 1998, izigaba 12-15. Ummemezeli onekhono makenze umboniso wendlela yokusikisela isifundo empindelweni. Bakhuthaze bonke ukuba bazabalazele ukuqala isifundo esisha.
INgoma 35 nomthandazo wokuphetha.
Isonto Eliqala Ngo-November 9
INgoma 187
13 imiz: Izaziso zebandla. Umbiko wezimali. IBhokisi Lemibuzo.
15 imiz: Izidingo zebandla.
17 imiz: “Yakhanani Ngokuphendula Emihlanganweni.” Imibuzo nezimpendulo. Chaza indlela ukuphendula okusenza sikhule ngayo ngokomoya. (Bheka INcwadi Yokuchasisa Isikole, isifundo 38, isigaba 4.) Cela abathile balandise ukuthi bakunqoba kanjani ukuba madolonzima ukuphendula nokuthi baye babusiswa kanjani ngokuba nengxenye emihlanganweni.
INgoma 51 nomthandazo wokuphetha.
Isonto Eliqala Ngo-November 16
INgoma 182
8 imiz: Izaziso zebandla.
20 imiz: “Ababonisi Bayahola—Umbonisi WeSikole Senkonzo Esingokwasezulwini.” Inkulumo enikezwa umbonisi wesikole. Bukeza INcwadi Yokuchasisa Isikole, amakhasi 10-11, izigaba 6-12.
17 imiz: “Sebenzela Ukuphumelela Enkonzweni Yakho.” Ingxoxo yemibuzo nezimpendulo ngezigaba 1-7 zesenezelo. Gxila emaphuzwini angase asebenze ngokukhethekile ensimini yebandla. Donsela ukunakekela ebhokisini elithi “Ukukhonza Lapho Kunendingeko Enkulu Khona.” Khuthaza labo abanezimo ezibavumelayo ukuba bakucabangele ukusabela kulolu bizo.
INgoma 167 nomthandazo wokuphetha.
Isonto Eliqala Ngo-November 23
INgoma 89
8 imiz: Izaziso zebandla. Landisa okuhlangenwe nakho okusekhasini elingemuva le-Phaphama! ka-August 8, 1998, okuphathelene nethonya incwadi ethi Umuntu Omkhulu eye yaba nalo kubantu. Bonke abamemezeli kufanele bakuphaphamele ukuhambisa le ncwadi ngezikhathi ezifanele.
17 imiz: “Sebenzela Ukuphumelela Enkonzweni Yakho.” Ingxoxo yemibuzo nezimpendulo ngezigaba 8-21 zesenezelo. Gxilisa ingxoxo emaphuzwini angase asebenze ngokukhethekile ensimini yebandla.
20 imiz: Ukusikisela Kokuthuthukisa Ukufunda Kwakho IBhayibheli. Inkulumo esekelwe kuyi-Nqabayokulinda ka-May 1, 1995, amakhasi 16-17. Qokomisa izinzuzo ezingokomoya ezitholakala ngokufunda iBhayibheli nsuku zonke. Bukeza ukusikisela okwanikezwa bese uchaza ukuthi kungasetshenziswa kanjani. Makube nabamemezeli ababili noma abathathu balandise indlela abazuza ngayo ngokufunda iZwi likaNkulunkulu njalo.
INgoma 46 nomthandazo wokuphetha.
Isonto Eliqala Ngo-November 30
INgoma 64
15 imiz: Izaziso zebandla. Tusa bonke abaye bahlanganyela emkhankasweni wensimu engabelwe bese unikeza umbiko walokho okuye kwafezwa yibandla. Bakhumbuze bonke ukuba bafake imibiko yenkonzo yasensimini. Khuthaza noma yibaphi abangazange basiqale isifundo ngo-November ukuba baqhubeke benza imizamo ngo-December, lapho kuhanjiswa incwadi Ulwazi ne-Nguqulo Yezwe Elisha YemiBhalo YamaKristu YesiGreki. Ummemezeli onekhono makenze umboniso wokwenza impindelo esebenzisa ibhokisi elisekhasini 19 lencwadi Ulwazi; ummemezeli ube esechaza indlela le ncwadi engase isetshenziswe ngayo ekuzuzeni ukuqonda izimfundiso zeBhayibheli abese eqala isifundo.
15 imiz: Lisebenzise Ngokunenzuzo Ikhalenda LoFakazi BakaJehova Lika-1999. Inkulumo. Bukeza izici zekhalenda: (1) imifanekiso ekhangayo ebonisa izenzakalo kanye nezimfundiso eziphawulekayo zeBhayibheli, (2) isimiso samasonto onke sokufundwa kweBhayibheli kweSikole Senkonzo Esingokwasezulwini, (3) isimiso saminyaka yonke sokufundwa kweBhayibheli kwangesonto elandulela iSikhumbuzo, (4) ukwaziswa ngokubukeza okulotshwayo okulandelayo (5) nezikhumbuzo zokuhlanganyela njalo enkonzweni kamagazini. Xoxani ngezindlela zokusebenzisa indawo engabhalwe lutho: kungabhalwa isimiso senkonzo yasensimini, kubhalwe imibiko yenkonzo kanye nezikhathi zokusebenza nabanye, izabelo zemihlangano, izikhumbuzo zokuhambela kombonisi wesifunda nezemihlangano ezoba khona. Ngokubeka ikhalenda endaweni esobala ekhaya noma emsebenzini, kungase kuvele amathuba okuqala izingxoxo ezingokomBhalo. Landisa okuhlangenwe nakho okuse-Ncwadini Yonyaka (yesiNgisi) ka-1988, ikhasi 8.
15 imiz: Unobhala ubukeza nebandla isihloko esithi “Esikukhunjuzwa NgoMhlangano” esikuyisenezelo se-Nkonzo Yethu YoMbuso ka-October 1998. Hlanganisa nalokhu okulandelayo: Usuwenzile yini amalungiselelo aqondile okuba khona emhlanganweni ngazo zontathu izinsuku? Usuxoxile yini nomqashi wakho ucela isikhathi sokungayi emsebenzini? Usuwenzile yini amalungiselelo okuba wonke umkhaya ubhale amaphuzu ukuze wonke amalungu azuze kakhulu esimisweni? Ingabe ungasiza emhlanganweni? Usuwenzile yini amalungiselelo okuba izifundo zakho zeBhayibheli zibe khona? Khumbuza abazalwane ukuba bangagcaluzi emaphasishi kusaqhubeka isimiso. Abazali kufanele njalo babe neso elibukhali ezinganeni zabo. Emihlanganweni yezizwe emine, qikelelani ukuba namukele izihambeli zomhlangano. Funani amathuba okufakaza ngokwethukela. Abantu enihlangana nabo ezintweni zokuhamba zomphakathi, emagalaji, ezindaweni zokudlela nasemahhotela kungenzeka babe nesithakazelo esigijimini soMbuso. Kulungele lokhu ngokuphatha izincwadi ezithile. Khuthaza abamemezeli abazobe bengekho ngo-December ukuba bafake imibiko yabo yenkonzo yasensimini ngaphambi kokuba baye eholidini noma emhlanganweni.
INgoma 121 nomthandazo wokuphetha.