IZindaba Ezingokwasezulwini

◼ Amazwe aseNtshonalanga ye-Afrika, iBenin, iCameroon, iCôte d’Ivoire, iGhana, iLiberia neNigeria, wonke afinyelele amanani amasha aphakeme abamemezeli ngo-February.

◼ Ababaleki abaningi bebelokhu bebuyela eLiberia, ngakho kunendlala yangempela yeqiniso kulelo lizwe. Inani lakhona eliphakeme lango-February labamemezeli abangu-2286 labika izifundo zeBhayibheli zasekhaya ezingu-6277.

◼ ENingizimu Afrika, amaKomiti Okwakha Esifunda aye ahambisana kahle nesimiso sawo sokwakhiwa kwamaHholo OMbuso. Ngenxa yalokho, amahholo alandelayo aye anikezelwa ngo-April: iBronkhorstspruit (eGauteng), i-Eerstehoek, iMaotole, iSomerset neTjakastad (eMpumalanga). Lokhu kwenza inani lamahholo anikezelwe kulo nyaka wenkonzo libe ngu-19. AmaKomiti Okwakha Esifunda manje amatasa nokuhlelwa nokwakhiwa kwamahholo angaphezu kuka-30. Waziswa ngobuqotho umsebenzi omuhle owenziwa yila makomiti nezisebenzi zokuzithandela ezweni lonke.

◼ Isiqhingi saseMadagascar safinyelela inani elisha eliphakeme labamemezeli abangu-9484, okwaba ukwanda okungamaphesenti angu-14 uma kuqhathaniswa nesilinganiso sangonyaka odlule. Sabika nezifundo zeBhayibheli zasekhaya ezingaphezu kuka-20 000 ngo-February.