IMihlangano Yenkonzo Ka-May
Isonto Eliqala Ngo-May 4
INgoma 10
8 imiz:Izaziso zebandla. IZaziso ezikhethwe kuyi-Nkonzo Yethu YoMbuso. IZindaba Ezingokwasezulwini.
15 imiz:“Umoya KaJehova Unathi.” Imibuzo nezimpendulo. Lapho uhlanganisa isigaba 3, hlanganisa nezingxenye ezifanelekayo ozithathe e-Ncwadini Yonyaka Ka-1998.
22 imiz:“Khetha Izihloko Ezizovusa Isithakazelo Esikhethekile Kubantu.” Bukeza amaphuzu ayinhloko kulesi sihloko. Chaza ukuthi ngisho nomagazini abadala abasesesimweni esihle bangahanjiswa ngale ndlela. Cela ukuba abamemezeli balandise ukuthi yiziphi izihloko abaye bathola imiphumela emihle lapho bezisebenzisa. Yenza umboniso wentshumayelo esesigabeni 7.
INgoma 212 nomthandazo wokuphetha.
Isonto Eliqala Ngo-May 11
INgoma 197
10 imiz:Izaziso zebandla. Umbiko wezimali.
20 imiz:Ukuthuthukisa Izinga Lokuza Kwethu Emihlanganweni. Omunye wabadala bekomiti yenkonzo uxoxa ngokwaziswa akuthole eSikoleni Senkonzo SoMbuso samuva nje ngokuphathelene nokubaluleka kokuba khona emihlanganweni. INdikimba Ebusayo ikhathazeke kakhulu ngokwehla kwenani lababa khona emihlanganweni emazweni aseNtshonalanga, kuhlanganise naseNingizimu Afrika. Xoxa ngokubaluleka kokuba khona njalo emihlanganweni, ukulungiselela kusengaphambili nokuba nengxenye. Bonke, kuhlanganise nabadala, izinceku ezikhonzayo, amaphayona nemikhaya yabo, kufanele bacabangisise ngezinga abeza ngalo emihlanganweni. Nikeza amanani ababa khona kuyo yonke imihlangano yebandla bese uphawula izizathu eziyinhloko zokuphutha kwabazalwane emhlanganweni. Gcina ingxoxo igxile kokuhle futhi ikhuthaza.
15 imiz:Amaphuzu Avelele Encwajana Entsha Engangomagazini Ethi, Incwadi Yabo Bonke Abantu. Ingxoxo ehlanganyelwa nezilaleli ngezizathu ezenza kufaneleke ukuba silicabangele iBhayibheli. Le ncwajana yalungiselelwa ukusiza abantu okungenzeka ukuthi bayizifundiswa kodwa bazi okuncane ngeBhayibheli. Kunokuba izame ukubenza bakholiseke ukuthi iBhayibheli liphefumulelwe uNkulunkulu, le ncwajana ivumela amaqiniso ukuba azikhulumele. Kufanele siyifunde futhi siyihlanganyele nabanye, kuhlanganise nalabo esifunda nabo.
INgoma 48 nomthandazo wokuphetha.
Isonto Eliqala Ngo-May 18
INgoma 141
8 imiz:Izaziso zebandla.
17 imiz:“Ingabe ‘Uneva Enyameni’?” Imibuzo nezimpendulo. Khulumela isihloko esithi “Imibuzo Evela Kubafundi” esikuyi-Nqabayokulinda ka-November 15, 1987, ikhasi 29.
20 imiz:“Kungani Kufanele Sigcine Umbhalo Wabangekho Ekhaya?” Imibuzo nezimpendulo. Bonisa indlela okusebenza ngayo ebandleni.
INgoma 139 nomthandazo wokuphetha.
Isonto Eliqala Ngo-May 25
INgoma 137
10 imiz:Izaziso zebandla. Bakhumbuze bonke ukuba bafake imibiko yabo yenkonzo ka-May.
15 imiz:Izidingo zebandla.
20 imiz:Okwenza Ngiyazise Imihlangano Yebandla. Umdala uxoxa neqembu lababa khona njalo abamelela izigaba ezihlukahlukene zabantu abakha ibandla, mhlawumbe lihlanganisa umbhangqwana oshadile, umuntu osekhulile nosemusha. Bayasho ukuthi kungani beba khona njalo: ubudlelwane obuhle, ukufundiswa kwaphezulu neseluleko esinengqondo, okubasiza babhekane nezinkinga zansuku zonke futhi bahlale beqinile ngokomoya. Lokho abakushoyo kugcizelela indlela sonke esibusiswa ngayo ngokuba khona njalo emihlanganweni.
INgoma 222 nomthandazo wokuphetha.