IMihlangano Yenkonzo Ka-August

Isonto Eliqala Ngo-August 4

INgoma 16

7 imiz: Izaziso zebandla. IZaziso ezikuyi-Nkonzo Yethu YoMbuso ezisebenzayo ebandleni. Khulumela umbiko wenkonzo yasensimini wenyanga, wezwe nowebandla.

13 imiz: “Imihlangano Isishukumisela Emisebenzini Emihle.” Imibuzo nezimpendulo. Bonisa izinzuzo zengxoxo eyakhayo ngaphambi kwemihlangano nangemva kwayo.—Bheka Incwadi Yokuchasisa Isikole, ikhasi 82, izigaba 17-18.

25 imiz: “Thembela KuJehova Ukuba Akhulise.” Inkulumo nemiboniso. Gcizelela isidingo sokwenza izimpindelo lapho kushiywe khona izincwajana. Makube nemiboniso emibili elungiselelwe kahle ebonisa indlela yokuqala izifundo. Hlanganisa nokusikisela okusesenezelweni se-Nkonzo Yethu YoMbuso ka-March 1997, izigaba 7-11.

INgoma 78 nomthandazo wokuphetha.

Isonto Eliqala Ngo-August 11

INgoma 20

10 imiz: Izaziso zebandla. Umbiko wezimali. IZindaba Ezingokwasezulwini.

15 imiz: “Asebekhulile Bashumayela Ngokungayekethisi.” Imibuzo nezimpendulo. Hlanganisa nokuhlangenwe nakho okumayelana nogogo osekhulile owaba iphayona elisizayo, okukuyi-Nqabayokulinda ka-July 1, 1988, ikhasi 13.

20 imiz: “Ukwakhiwa KwamaHholo OMbuso ENingizimu Afrika Nasemazweni Angomakhelwane.” Imibuzo nezimpendulo.

INgoma 71 nomthandazo wokuphetha.

Isonto Eliqala Ngo-August 18

INgoma 14

10 imiz: Izaziso zebandla. Bukeza esithi “Isimiso Esisha Sosuku LoMhlangano Okhethekile.”

20 imiz: Ukufuna Ezokuzijabulisa Ezakhayo. Umdala onekhono uxoxa ngamaphuzu akuyi-Phaphama! ka-May 22, 1997, amakhasi 3-10, uwenza asebenze ebandleni. Siza abazali nezingane ukuba baqaphele izingozi ezihambisana nokuzijabulisa kwezwe kanye nesidingo sokuba abazali banikeze ukuqondisa okuhle. Kubikwa ukuthi emadolobheni amaningi amakhulu, intsha iye yahlela izinto ngendlela yokuba ikwazi ukuya emaphathini asebusuku abazali bayo bengazi. Kwezinye izimo imiphumela iye yadabukisa. Khuthaza abazali ukuba balungiselele ukuzijabulisa okwakhayo ngokulandela ukusikisela okusemakhasini 8-10 esihlokweni esishiwo ngenhla.

15 imiz: Yenza Izimpindelo, Usebenzisa Incwajana Ethi Lapho Ufelwa Othandekayo. Bonisa indlela yokubuza umbuzo bese ubhekisela encwajaneni ukuze uthole impendulo. Ngokwesibonelo, lencwajana iphendula lemibuzo elandelayo: Likhona yini ithemba ngabafileyo? (Amakhasi 5-6) Akulungile yini ukudabuka? (Amakhasi 8-9) Umuntu angabhekana kanjani nokudabuka? (Ikhasi 18) Abanye bangasiza kanjani? (Amakhasi 20-3) Izingane zingasizwa kanjani ukuba ziqonde ukufa? (Ikhasi 25) Iyiphi induduzo enikezwa iBhayibheli? (Ikhasi 27) Yibe-ke usuxoxa kafushane nabamemezeli ababili abanekhono ngendlela abaye bayisebenzisa ngayo lencwajana ezimpindelweni ukuze baphendule imibuzo evame ukubuzwa ngokufa.

INgoma 94 nomthandazo wokuphetha.

Isonto Eliqala Ngo-August 25

INgoma 23

10 imiz: Izaziso zebandla. Nikeza umbiko ngenqubekela phambili ensimini engabelwe. Yazisa ibandla ngamalungiselelo ango-September. Xoxa noyedwa noma ababili abaye baphumelela kuze kube manje. Khumbuza abamemezeli ukuba bawufake ngokushesha umbiko wabo wenkonzo yasensimini yango-August. Onobhala nabaqhubi bezifundo kufanele baqikelele ukuthi iyafakwa yonke imibiko yenkonzo yasensimini engakalethwa yonyaka wenkonzo ka-1997.

15 imiz: “Zuza Ngokugcwele Esikoleni.” Ubaba uxoxa ngalesi sihloko nezingane, ahlanganise namaphuzu awusizo akuyi-Phaphama! ka-December 22, 1995, amakhasi 7-11.

20 imiz: Shumayela Unomgomo Wokuwufeza. Umdala nenceku ekhonzayo eyodwa noma ezimbili babukeza incwadi ethi Ukuhlelelwa, amakhasi 8-12. Gxilani ezizathwini ezinamandla zokuthi kungani kufanele sibe nesimo sengqondo esiqondile, sokuthuthukisa inkonzo yethu nesokubambisana njalo nenhlangano.

INgoma 100 nomthandazo wokuphetha.