IMihlangano Yenkonzo Ka-April
Isonto Eliqala Ngo-April 7
INgoma 100
12 imiz: Izaziso zebandla. IZaziso ezikuyi-Nkonzo Yethu YoMbuso ezisebenzayo ebandleni. Yisho amaphuzu akomagazini bamuva angase akhulunyelwe. Njengoba lena kuyinyanga ekhethekile yomsebenzi, bakhuthaze bonke—abasha nalabo abafanelekela ukuba abamemezeli abangabhapathiziwe—ukuba bahlanganyele enkonzweni. Khuthaza ibandla ukuba lizibekele umgomo wokuba nenani elisha eliphakeme labamemezeli.
15 imiz: “Izixuku Ziyanezelwa.” Imibuzo nezimpendulo. Bukeza amaphuzu ayinhloko asikiselwe akuyi-Nqabayokulinda ka-August 15, 1993 amakhasi 12-17.
18 imiz: “Sizani Abangenalwazi Baqonde.” Imibuzo nezimpendulo. Bukeza izici eziyinhloko zencwajana ethi Yini UNkulunkulu Ayifunayo?:indlela yokufunda eyenziwe lula, imibuzo ebuzwa ngesikhathi esifanele, imifanekiso ekhangayo, izikhombo eziningi zemiBhalo. Gcizelela umgomo wokuqala izifundo kamuva eziholela encwadini Ulwazi. Cela ummemezeli onekhono enze umboniso, abonise indlela yokuqala isifundo kusetshenziswa indlela echazwe esigabeni 4. Khuthaza bonke abazali abasebandleni ukuba bafunde lencwajana nabantwana babo abancane.
INgoma 130 nomthandazo wokuphetha.
Isonto Eliqala Ngo-April 14
INgoma 107
10 imiz: Izaziso zebandla. Umbiko wezimali. IZindaba Ezingokwasezulwini. Uma isikhathi sivuma, landisa kafushane okuhlangenwe nakho kwasensimini yebandla okuphathelene nokuhambisa incwajana ethi Yini UNkulunkulu Ayifunayo? noma kokuqala izifundo zeBhayibheli kusetshenziswa yona.
15 imiz: “Ukuqondisa Abafundi ENhlanganweni Emelelwa Yigama Lethu.” (Izigaba 1-6) Imibuzo nezimpendulo. Funda izigaba 5-6 nemibhalo ekhonjiwe. Landisa okuhlangenwe nakho kwasendaweni yakini okuphathelene nendlela abantu esifunda nabo iBhayibheli abasabela ngayo lapho bebuka i-video ethi Jehovah’s Witnesses—The Organization Behind the Name.
20 imiz: “Fundisa Abanye Lokho UNkulunkulu Akufunayo.” Ingxoxo nezilaleli ngezigaba 1-4. Makube nemiboniso ngezintshumayelo ezisesigabeni 5, kusetshenziswa izimo ezine ezingafani—emgwaqweni, endlini, endaweni yezamabhizinisi nasepaki. Bakhumbuze bonke ukuthi ngaphambi kokuba bahambe eHholo LoMbuso namuhla, bazitholele amafomu ezikhokhelo, izincwajana nomagazini abazokusebenzisa enkonzweni yasensimini.
INgoma 126 nomthandazo wokuphetha.
Isonto Eliqala Ngo-April 21
INgoma 113
15 imiz: Izaziso zebandla. Chaza ukuthi akukephuzi kakhulu ukuba bafake ifomu lobuphayona obusizayo ngo-May. Bukeza iBhokisi Lemibuzo, bese utshela ibandla uma kukhona izincwadi ezidingekayo ukuze umtapo wethu waseHholo Lombuso ube nazo zonke izincwadi.
15 imiz: “Ukuqondisa Abafundi ENhlanganweni Emelelwa Yigama Lethu.” (Izigaba 7-14) Imibuzo nezimpendulo. Makube nomfundisi onekhono enze umboniso wendlela yokuxoxa ngokusuka enhliziyweni nomuntu afunda naye ngesidingo sokuba khona emihlanganweni.
15 imiz: Ukuzisebenzisa Ngokugcwele Izincwadi Zethu. Inkulumo enikezwa umdala. (Bheka INkonzo Yethu YoMbuso ka-September 1995, amakhasi 5-6.) Imibiko ibonisa ukuthi ngokuvamile amabandla a-oda omagazini abaningi kakhulu kunabahanjiswa ngokoqobo inyanga ngayinye. Omagazini abangafinyelela kumaphesenti angu-50 ababikwa ukuthi bahanjisiwe. (Yisho ukuthi izibalo zibonisani ebandleni.) Bashonaphi labo magazini? Abaningi bagcina emashalofini noma balahlwe. Kungagwenywa kanjani lokhu? Ummemezeli ngamunye kufanele acabangele ngokucophelela izidingo zakhe abese e-oda nje lokho azokwazi ukukuhambisa. Masikwenze umkhuba ukuhambisa omagazini kubo bonke esixoxa nabo. Ningabalahli omagazini abadala. Hlanganyelani njalo enkonzweni kamagazini.
INgoma 128 nomthandazo wokuphetha.
Isonto Eliqala Ngo-April 28
INgoma 121
15 imiz: Izaziso zebandla. Bakhumbuze bonke ukuba bafake imibiko yabo yenkonzo yasensimini ngo-April. Memezela amagama alabo abazobe bengamaphayona asizayo ngo-May. Chaza amanye amalungiselelo enziwayo ebandleni emihlangano yenkonzo. Ngo-May kufanele kwenziwe umzamo okhethekile wokubuyela kubantu esabahambisela incwajana sinomgomo wokuqala izifundo. Sikisela kafushane indlela esingabuza ngayo ngokuhlakanipha amagama namakheli abantu esifakaza kubo ngokwethukela. Ungase umnikeze igama lakho nekheli lakho kuqala bese ubuza ukuthi ikhona yini inombolo yocingo ongabathinta ngayo. Cela izilaleli ukuba zinikeze okunye ukusikisela okuye kwazisebenzela.
15 imiz: “Kungani Bekwenza?” Umdala uxoxa ngalesi sihloko namaphayona avamile amabili noma amathathu. (Uma engekho amaphayona, sebenzisa labo abavame ukuba amaphayona asizayo.) Hlanganisa namaphuzu avelele esihloko esithi “Amaphayona Ayapha Futhi Athola Izibusiso” esikuyi-Nqabayokulinda ka-January 15, 1994. Ngamunye makachaze ukuthi kungani angenela inkonzo yobuphayona. Bacele ukuba balandise okuhlangenwe nakho okubonisa indlela abaye babusiswa ngayo ngokwenza lokhu.
15 imiz: Izidingo zebandla. Lesi sikhathi abadala bangasisebenzisela ukunikeza ukwaziswa okuphathelene nezidingo ezithile zebandla.
INgoma 129 nomthandazo wokuphetha.