Imihlangano Yenkonzo Ka-March
Isonto Eliqala Ngo-March 4
INgoma 1
10 imiz: Izaziso zebandla. IZaziso ezikuyi-Nkonzo Yethu YoMbuso ezisebenza ebandleni.
15 imiz: “Bonga UJehova ‘Usuku Lonke.’” Imibuzo nezimpendulo. Funda izigaba 2-5 uma isikhathi sivuma. Nikeza isikhuthazo esakhayo ngomsebenzi wobuphayona obusizayo nobuvamile.
20 imiz: “Ulwazi NgoNkulunkulu Weqiniso Luholela Ekuphileni.” Bukeza izintshumayelo ezisikiselwe. Makube nomboniso owodwa noma emibili.
INgoma 78 nomthandazo wokuphetha.
Isonto Eliqala Ngo-March 11
INgoma 164
10 imiz: Izaziso zebandla. Umbiko wezimali.
20 imiz: “Zuza ESikoleni Senkonzo Esingokwasezulwini Sika-1996—Ingxenye 3.” Inkulumo enikezwa umbonisi wesikole. Bakhuthaze bonke abangase bakwazi ukuba babhalise futhi ngokwethembeka bafeze izabelo zabo. Chaza ngokucacile imithetho yokuphumisela amagama eBhayibheli, njengoba itholakala encwadini ethi “Yonke ImiBhalo,” amakhasi 325-6, izigaba 27-8.
15 imiz: Yenzani Izinto Ndawonye Njengomkhaya. Ubaba ukhuluma nomkhaya wakhe ngesidingo sokuba ndawonye, esisekelwe kuyi-Nqabayokulinda ka-September 1, 1993, amakhasi 16-19. Gxila esifundweni somkhaya nasemsebenzini wobuvangeli. Veza indlela imikhaya yesimanje ehlukana ngayo ngenxa yokuthi ichitha isikhathi esincane indawonye futhi ayinazo izithakazelo ezifanayo. Ukutadisha iZwi likaNkulunkulu nokuhlanganyela enkonzweni ndawonye kuyisibusiso emkhayeni wamaKristu. Gcizelela isidingo sokuba ubaba azihlele kahle lezi zinto nokuba umama abambisane naye. Izingane kufanele zibe nesithakazelo emisebenzini engokomoya, zisebenze ngokuseduze nabazali. Umkhaya uyoba munye futhi uyoqina ukwazi ukubhekana nokucindezela okwandayo kokulingisa izwe.
INgoma 211 nomthandazo wokuphetha.
Isonto Eliqala Ngo-March 18
INgoma 6
10 imiz: Izaziso zebandla. Labo abaqhuba izifundo zeBhayibheli kufanele bakhuthaze abasanda kuhlanganyela abathuthuka kahle esifundweni sabo seBhayibheli ukuba basebenzele ukuba abamemezeli abangabhapathiziwe. Abazali bangazisiza nezingane zabo ukuba zibe abamemezeli. Bukeza inqubo etuswayo echazwe encwadini ethi Ukuhlelelwa Ukufeza Inkonzo Yethu, amakhasi 97-100.
15 imiz: IBhokisi Lemibuzo. Inkulumo enikezwa umdala. Xoxa ngezizathu ezisishukumisela ukuba siphe, njengoba zichazwe kuyi-Nqabayokulinda ka-January 15, 1992, amakhasi 16-17.
20 imiz: “Siza Abanye Bazuze Ulwazi Oluholela Ekuphileni.” Bukeza izintshumayelo ezisikiselwe zokusetshenziswa ezimpindelweni. Hlanganisa nomboniso owodwa noma emibili. Gcizelela umgomo wokuqala izifundo.
INgoma 130 nomthandazo wokuphetha.
Isonto Eliqala Ngo-March 25
INgoma 5
15 imiz: Izaziso zebandla. Bukeza esithi “Esikukhunjuzwa NgeSikhumbuzo.” Chaza ukuthi kungani kubalulekile ukuba khona. (Bheka INqabayokulinda ka-February 15, 1985, amakhasi 16-18.) Bukeza uhlelo lokusiza abagugile, ababuthaka, nabasanda kuhlanganyela ukuba babe khona. Xoxa ngamalungiselelo omsebenzi wenkonzo yasensimini owandisiwe kuleli sonto elizayo. Bukeza nesihloko esithi, “Lapho Izihambi Zingeniswa Khona,” esisekhasini 32 le-Phaphama! ka-September 22, 1995.
15 imiz: Bukeza Amaphuzu Avelele E-Ncwadi Yonyaka YoFakazi BakaJehova Ka-1996. Umkhaya uxoxa ngezinye zezici ezithakazelisayo ezimayelana nomsebenzi wethu womhlaba wonke ezihlanganiswe emakhasini 3-5 no-33. Uyavumelana ukuthi ndawonye usuku ngalunye uzozama ukufunda amakhasi ambalwa e-Ncwadi Yonyaka ngemva kokucabangela umbhalo okhonjiwe weBhayibheli kwethi Ukuhlola ImiBhalo Nsuku Zonke.
15 imiz: “Ukulungiselela—Isihluthulelo Sempumelelo.” Imibuzo nezimpendulo. Yisho ukuthi sizobe sihambisa isikhokhelo se-Nqabayokulinda ngo-April nango-May. Lungiselela manje ngoku-oda omagazini abengeziwe, uthole amafomu esikhokhelo, bese uhlela ukusekela amalungiselelo ebandla omsebenzi woSuku Lukamagazini.
INgoma 7 nomthandazo wokuphetha.