IZindaba Ezingokwasezulwini

EBotswana: IKomiti Yokwakha Yesifunda yasePietersburg yakha isakhiwo esakhiwa ngokushesha endaweni ekude eFrancistown, eBotswana. LeliHholo LoMbuso elisha lanezelwa ekhaya lezithunywa zevangeli. Abazalwane beKomiti Yokwakha Yesifunda yaseBotswana basiza izisebenzi zokuzithandela ezivela esifundeni sasePietersburg. Lelihholo lizonikezelwa ngasekuqaleni kuka-October.

ENingizimu Afrika: Amabandla amahlanu akujabulela ukunikezelwa kwamaHholo OMbuso awo amasha. Yi-Piet Retief eseNtilasifali eseningizimu, iNdwedwe North eNatali, iHeilbron ese-Orange Free State, iPankop engasenyakatho nePitoli, neCape Town Central.

Ngo-September 4 abanye abafundi abangu-11 baseNingizimu Afrika nasemazweni angomakhelwane bathola iziqu eSikoleni Sokuqeqeshelwa Inkonzo eZambia. Ngasekupheleni kwalonyaka, kuzobe kunabantu abangu-29 abavela ensimini yethu abathweswe iziqu kusukela lesisikole siqalile ngo-October 1993.

ESwazini: Kwakhiwa iHholo LoMbuso elisha eMbabane, inhlokodolobha yaseSwazini. Leli ihholo lokuqala elizokhonza lelidolobha futhi lisetshenziswa amabandla amabili. Ngosizo lwabazalwane baseSwazini, lesisakhiwo esakhiwa ngokushesha sasingathwa iKomiti Yokwakha Yesifunda yaseWitwatersrand. Amakhulu Ezisebenzi Zokuzithandela Zokwakha AmaHholo OMbuso avela eReef nasePitoli ahlangana eMbabane futhi aqeda isakhiwo esigqamile ngezinsuku nje ezimbalwa. KwaManzini, okungesinye sezikhungo ezinkulu zaseSwazini, nakhona kwakhiwa iHholo LoMbuso.