IBhokisi Lemibuzo

◼Yini okufanele unobhala ayenze lapho iphayona elivamile lithuthela ebandleni?

Unobhala kufanele azise iNhlangano, esebenzisa isikhala esingemuva kwefomu loMbiko Webandla (S-1). Kufanele futhi athintane ngokushesha nonobhala webandla iphayona ebelikulo ngaphambili bese ecela wonke amakhadi eRekhodi Lommemezeli Lebandla (S-⁠21) asefayelini kanye nencwadi yokulethula evela eKomitini Yenkonzo Yebandla.

Lapho ukuthutha kwephayona kuhilela ushintsho olukhulu, ngokuvamile liba nezinkinga ekuzinzeni nasekumiseni isimiso esiphumelelayo senkonzo. Iphayona liyakwazisa kakhulu lapho abadala belinikeza usizo lothando ukuze ukushintshela kwalo ebandleni elisha kube okungenazihibe ngangokunokwenzeka.

Isikhumbuzo: Amakhadi amasha eSibonakaliso Senkonzo Yobuphayona (S-202) unobhala uwanika kuphela amaphayona athuthela ebandleni akulo avela ensimini engaphansi kwegatsha laseNingizimu Afrika. Amaphayona alahlekelwa amakhadi awo, ashintsha isibongo ngenxa yomshado noma isehlukaniso, noma avela ezindaweni ezikhonzwa elinye igatsha kufanele awathole eNhlanganweni amakhadi awo amasha, hhayi kunobhala. Unobhala noma iphayona kufanele babhalele iNhlangano, bachaze isimo, bese becela ikhadi elisha.