Imihlangano Yenkonzo Ka-April
Isonto Eliqala Ngo-April 5
INgoma 129
10 imiz:Izaziso zebandla. Bukeza omagazini bamuva, uqokomisa izihloko ezingase zithakazelise ngokukhethekile ensimini yenu. Hlela abamemezeli ababili, omunye osekhulile nomunye osemusha, ukuba benze umboniso wezintshumayelo ezingokomBhalo ezimfushane.
15 imiz:“INqabayokulinda—Ukudla Okungokomoya Ngesikhathi Esifanele.” Ingxoxo yemibuzo nezimpendulo. Yiba nommemezeli ofanelekayo enza umboniso wokuhanjiswa kwesikhokhelo.
20 imiz:“Xhumanisa Amapheshana Nezinye Izincwadi.” Ukuhlanganiswa kwesihloko ngemibuzo nezimpendulo. Hlanganisa izintshumayelo ezimfushane ezisekelwe ekusikiseleni okusezigabeni 2-6. Hlanganisa namaphuzu asebhokisini elithi “Khumbula Ukusebenzisa Izincwajana Ezingangomagazini.”
INgoma 14 nomthandazo wokuphetha.
Isonto Eliqala Ngo-April 12
INgoma 15
10 imiz:Izaziso zebandla. Landisa nganoma yikuphi okuhlangenwe nakho okuvelele okuphathelene nomkhosi weSikhumbuzo. Khuthaza bonke abamemezeli ukuba basebenze namaqembu abo enkonzo yasensimini kulempelasonto.
20 imiz:“Izimpindelo Ezilula Neziphumelelayo.” Xoxa nezilaleli. Yiba nomboniso owodwa obonisa indlela yokuqalisa ingxoxo empindelweni.
15 imiz:IBhokisi Lemibuzo. Ingxoxo eqondile nekhuthazayo ngombonisi wenkonzo noma omunye umdala oye wakhonza njengephayona elisizayo. Xoxa nommemezeli oyedwa noma ababili abakhonza njengamaphayona asizayo ngezikhathi ezithile.
INgoma 39 nomthandazo wokuphetha.
Isonto Eliqala Ngo-April 19
INgoma 194
10 imiz:Izaziso zebandla neZaziso ezifanelekile ezivela ku-Nkonzo Yethu YoMbuso. Funda umbiko wezimali nanoma yikuphi ukubongwa kweminikelo. Funda uLuka 6:38, futhi utuse ibandla ngokuphana kwalo ekusekeleni umsebenzi womhlaba wonke kanye nezidingo zebandla.
20 imiz:“Siza Abasanda Kuhlanganyela Ukuba Bathuthuke.” Ingxoxo phakathi kwabaqhubi bezifundo zencwadi ababili noma abathathu. Ngemva kokubukeza amaphuzu avelele esihloko, chazani ukuthi ikuphi ukuhlela osekwenziwe ukuze kusetshenziswe ukusikisela ebandleni. Singabasiza kanjani abasanda kuthakazela ababekhona eSikhumbuzweni? Yiziphi izimfuneko abasanda kuhlanganyela okumelwe bahlangabezane nazo uma befisa ukuhlanganyela enkonzweni yasensimini? Yini engenziwa ukuze kusizwe abantu abakuhlanganyela kwabo kuye kwancipha esikhathini esidlule? Bangakhuthazwa kanjani bonke ukuba bahlanganyele ngokugcwele inyanga ngayinye? Abamemezeli abaqinile bangahlanganyela kanjani ekusizeni abanye?—Roma 15:1, 2.
15 imiz:“Ingabe Ungenza Okwengeziwe Ukuze Udumise UJehova?” Ingxoxo yemibuzo nezimpendulo yezigaba 1 kuya ku-10.
INgoma 28 nomthandazo wokuphetha.
Isonto Eliqala Ngo-April 26
INgoma 180
10 imiz:Izaziso zebandla neZindaba EzingokwaseZulwini. Mema abamemezeli ukuba balandise okuhlangenwe nakho ngomsebenzi wabo wenkonzo yasensimini owandisiwe phakathi nenyanga, njengokuba amaphayona asizayo, ukuqalisa izifundo zeBhayibheli ezintsha, noma ukusiza abathakazelayo ababekhona eSikhumbuzweni.
15 imiz:Umdala uxoxa ngokwaziswa okusesenezelweni, okunesihloko esithi “IMihlangano Yesigodi ‘Yokufundisa Kwaphezulu’ Ka-1993.” Khuthaza bonke ukuba benze amalungiselelo kusengaphambili okuba khona emhlanganweni. Lapho seniyitholile incwadi, yazisa ibandla ngendawo yomhlangano eliyoya kuwo. Khuthaza bonke ukuba baziqaphele ngokucophelela iziqondiso ezinikeziwe ngokuphathelene nemihlangano emine ekhethekile yezizwe zonke eNingizimu Afrika.
20 imiz:“Ingabe Ungenza Okwengeziwe Ukuze Udumise UJehova?” Ingxoxo yemibuzo nezimpendulo yezigaba 11 kuya ku-23.
INgoma 127 nomthandazo wokuphetha.