Imihlangano Yenkonzo Ka-March
Isonto Eliqala Ngo-March 1
INgoma 9
15 imiz: Izaziso zebandla neZaziso ezivela ku-Nkonzo Yethu YoMbuso. Donsela ukunaka ezincwadini ezintsha ezitholakalayo. Veza amaphuzu avelele eZindaba EzingokwaseZulwini, ugcizelele indlela isibusiso sikaJehova esiye saba ngayo phezu kwezinceku zakhe ezingxenyeni ezihlukahlukene zomhlaba. Okuhlangenwe nakho kwebandla nakho kungahlanganiswa uma kufanelekile.
15 imiz: “Qhubeka Uthi: ‘Woza!’” Ukuhlanganiswa kwendaba ngemibuzo nezimpendulo. Lapho nixoxa ngesigaba 4, yiba nommemezeli olungiselele kahle eqokomisa amaphuzu ambalwa asesahlukweni 42 sencwadi ethi Umvuthwandaba WesAmbulo, izigaba 6-10, ezikhuluma ngesAmbulo 21:4-6.
15 imiz: “Yiba Ngoshintshashintshayo Enkonzweni Yakho.” Inkulumo, nokuhlanganyela okuthile kwezilaleli. Hlanganisa nemiboniso emibili emifushane lapho nixoxa ngezigaba 3-5. Lapho nibonisa iphuzu elisezigabeni 4 no-5, bonisa indlela ummemezeli omdala nosemusha abangasebenza ngayo ndawonye enkonzweni yasendlini ngendlu njengoba kuvezwe esihlokweni. Gcizelela isidingo sokuthola injabulo enkonzweni kungakhathaliseki ukuthi iyini imiphumela.
INgoma 114 nomthandazo wokuphetha.
Isonto Eliqala Ngo-March 8
INgoma 128
5 imiz: Izaziso zebandla. Yisho isibalo samaphayona asizayo asamukelwe kakade ukuphayona ngo-April. Khuthaza labo abahlelela ukuphayona ukuba balethe amafomu ezicelo kungakephuzi. Ingabe ibandla linomgomo wokuba nenani elisha eliphakeme lamaphayona asizayo phakathi no-April? Abadala nezinceku ezikhonzayo kufanele bahole.
20 imiz: “Ukuvikela Izingane Zakho Ekusetshenzisweni Kabi Kwegazi.” Umdala unikeza inkulumo ngezigaba 1-11. Kwenze kucace ukuthi umqondo obangela isiphetho sokuba abazali bavume ukuba udokotela elaphe ingane yabo ngaphansi kwezimo eziphawulwe ezigabeni 5-7 akumelwe ubhekwe njengokuhlehla okholweni.
20 imiz: Ukusiza Izifundo Zethu ZeBhayibheli. Ingxoxo ehlanganyelwa nezilaleli egcizelela isidingo sokunikeza izifundo zeBhayibheli usizo olwengeziwe olungaphezu nje kokuqhuba isifundo. (1 Thes. 2:8) Zinike isikhathi esengeziwe ukuze ushukumise isifiso esisuka enhliziyweni sokuba khona emihlanganweni nokuhlanganyela kuyo. Yakha ukwazisa ngenhlangano nangobuzalwane bomhlaba wonke ngokuchaza imihlangano yesifunda, imihlangano ekhethekile yosuku olulodwa, nemihlangano yesigodi. Ningase niwabukele ndawonye ama-video athi Jehovah’s Witnesses—The Organization Behind the Name, Purple Triangles, nethi The Bible—Accurate History, Reliable Prophecy, wenze ofunda nabo basho ukuthi yini abayifundile kuwo. Ngokuqhubekayo babonise indlela yokuhlanganyela nabanye ngokwethukela lokho abakufundayo. Izifundo zeBhayibheli ezihlangabezana nezimfuneko eziboniswe emakhasini 98 no-99 encwadi Ukuhlelelwa futhi ezinesifiso sokuhlanganyela enkonzweni yasobala kufanele zisizwe ukuba zibe abamemezeli abangabhapathiziwe. Kubalulekile ukuchitha isikhathi phakathi nesifundo nangemva kwaso ukuze usize izifundo ukuba zibe nesifiso sokuzinikezela nokubhapathizwa. Ungase ubonise izifundo imifanekiso noma izihloko zamaphephandaba ezikhuluma ngobhapathizo emihlanganweni yethu yesigodi. Umboniso: Ummemezeli usiza isifundo seBhayibheli ukuba sifakaze ngokwethukela. Ukhetha iphuzu elingase lisetshenziswe ensimini encwadini Ungaphila Phakade futhi uthi: “Kungaba kuhle ukuhlanganyela lelophuzu nezinye zezihlobo zakho noma omakhelwane. Ungase ubatshele ukuthi ufunde okuthile eBhayibhelini obungakwazi ngaphambili.” Khuthaza abamemezeli ukuba basize izifundo zeBhayibheli, banikeze ukunakekela kothando ngisho nangemva kobhapathizo.
INgoma 123 nomthandazo wokuphetha.
Isonto Eliqala Ngo-March 15
INgoma 72
10 imiz: Izaziso zebandla, kuhlanganise umbiko wezimali nokubongwa kweminikelo. Bhekisela esihlokweni esithi “Isigijimi Esifike Ngesikhathi” esisekhasini 8. Khuthaza bonke ukuba basiphawule isihloko senkulumo ekhethekile ezoba ngo-March 28 futhi bameme abathakazelayo ukuba babe khona.
15 imiz: “Ukusiza Bonke Abaye Babonisa Isithakazelo.” Inkulumo nokuhlanganyela okuthile kwezilaleli. Cabangela imibhalo ekhonjiwe uma isikhathi sivuma. Yenza umboniso ngalokho okusikiselwe esigabeni 3. Gcizelela isidingo sokulandelela isithakazelo salabo okungokokuqala bekhona.
20 imiz: “Ukuvikela Izingane Zakho Ekusetshenzisweni Kabi Kwegazi.” Ingxoxo yemibuzo nezimpendulo ngezigaba 12-28. Gxila ezimpendulweni zemibuzo evela ezigabeni 12 no-20. Gcizelela ukuthi ukulungiselela kusengaphambili kwabazali ekutholeleni abantwana babo ukunakekela kwezempilo ngokuvamile kuyisihluthulelo sokugwema ukumpontshelwa.
INgoma 32 nomthandazo wokuphetha.
Isonto Eliqala Ngo-March 22
INgoma 66
10 imiz: Izaziso zebandla. Khuthaza bonke ukuba bahlelele ukuhlanganyela ngokwengeziwe enkonzweni phakathi no-April.
20 imiz: Ukunakekela Abagugile. Ingxoxo ehlanganyelwa nebandla futhi kuxoxwe nabazalwane ababili. EMhlanganweni Wesigodi “Wabaphathi Bokukhanya,” uchungechunge olwanikezwa ngeSonto ekuseni lwalunesihloko esithi “Ukukhathalelana Emkhayeni WamaKristu.” Ingxenye yokuphetha ethi “Ngokunakekela Abagugile” yagcizelela ingxenye eyigugu abantu abagugile abayifezayo emkhayeni nasebandleni. (IzAga 16:31) Kungaziphi izindlela esingasiza ngazo abagugile? Umkhaya unomthwalo wemfanelo oyinhloko. (1 Thim. 5:3, 4, 8, 16) Isineke nesihawu kuyadingeka. Abantwana asebekhulile nabazukulu banethuba lokubonisa ukwazisa ngeminyaka yothando, umsebenzi, nokunakekela abazali nogogo nomkhulu abaye bakunikeza esikhathini esidlule. (wZU87 6/1 13-18) Ibandla nalo lingabasiza abagugile. Abanye bangase badinge ukusizwa ukuba bafanelekele ukuthola usizo oluvela kuhulumeni. Bonisa umoya wokwamukela izihambi ngokubamemela ekudleni nasemibuthanweni. (Roma 12:13) Basize enkonzweni yasensimini. Balungiselele okokuhamba kokuya emihlanganweni yebandla nasemihlanganweni emikhulu. Basize ngokubayela esitolo nangokunakekela amakhaya abo. (wZU87 6/1 4-7) Ngaso sonke isikhathi bonisa inhlonipho ngabagugile. (1 Thim. 5:1, 2) Yiba nengxoxo nomuntu oyedwa noma ababili abagugile abayizibonelo ezinhle. Qokomisa indlela abaye bazuza ngayo emuseni oboniswe yimikhaya yabo nebandla.
15 imiz: Umdala uxoxa nabamemezeli abathathu noma abane abayobe bengamaphayona asizayo ngo-April noma abaye benza kanjalo esikhathini esidlule. Yini eye yabashukumisela ukuba baphayone? Yimaphi amalungiselelo abawenzele u-April? Ukuba ngamaphayona asizayo kuye kwabasiza kanjani ngokomuntu siqu? Khuthaza bonke abahlela ukuba amaphayona asizayo ngenyanga ezayo ukuba bathole amafomu ezicelo futhi bawalethe ngokushesha.
INgoma 172 nomthandazo wokuphetha.
Isonto Eliqala Ngo-March 29
INgoma 105
10 imiz: Izaziso zebandla. Khumbuza bonke ukuba bamemele abantu abathakazelayo nezifundo zeBhayibheli emkhosini weSikhumbuzo. Zisebenziseni kahle izimemo ezinyathelisiwe. Khuthaza abamemezeli ukuba baprinte ngokucacile emapheshaneni ezimemo isikhathi seSikhumbuzo nekheli lalapho siyogujelwa khona. Bukeza amalungiselelo osuku olukhethekile lukamagazini ngoMgqibelo ngo-April 3.
25 imiz: “Ukugubha Umkhosi Wokufa Okunikeza Ithemba Lokuphila Okuphakade.” Ukuhlanganiswa kwendaba ngemibuzo nezimpendulo okwenziwa umbonisi owengamele. Hlanganisa nokwaziswa okusebhokisini elithi “Ekulungiseleleni ISikhumbuzo.” Ngemva kokucabangela isigaba 5 salesihloko, yiba nomboniso lapho ummemezeli ememela isifundo seBhayibheli eSikhumbuzweni. Ummemezeli uchaza ilungiselelo lokufunda imibhalo yeBhayibheli ekhethiwe phakathi nenkathi ka-April 1-6 futhi uthembisa ukulungiselela okokuhamba.
10 imiz: Ukuhambisa INqabayokulinda phakathi no-April. Veza amaphuzu nezihloko okungakhulunywa ngakho okungase kuqokonyiswe phakathi nenyanga. Kuphaphamele ukubhekisela ukunaka emaphuzwini akomagazini ngawo wonke amathuba.
INgoma 87 nomthandazo wokuphetha.