IBhokisi Lemibuzo
â—¼Ingabe ibandla kufanele ligcine ifayili yeNkonzo Yethu YoMbuso?
KuNkonzo Yethu YoMbuso kaJune 1972, kwaphawulwa ukuthi kuyatuseka ukugcina ifayili yeNkonzo Yethu YoMbuso yanyanga zonke emtatsheni wezincwadi waseHholo LoMbuso ngenjongo yokuba kubhekiselwe kuyo. Kuselokhu kufanelekile ukuba kugcinwe ifayili elinjalo kulowo nalowomtapo wezincwadi waseHholo LoMbuso ukuze usetshenziswe abadala nabamemezeli.
Uma kunefayili elinjalo, abamemezeli bangabheka ukwaziswa kwesikhathi esidlule mayelana nezintshumayelo zenkonzo yasensimini, ukuqhuba izifundo zeBhayibheli, ukwenza izimpindelo, nokunye. Kungatholakala imiqondo emihle yokusetshenziswa ensimini. Ngezikhathi ezithile, iNkonzo Yethu YoMbuso yamuva ibhekisela kwezinye ezakhishwa ngaphambi kokuba abanye babazalwane bahlanganyele nebandla. Abasanda kuhlanganyela bangazuza uma kugcinwa ifayili.
Abadala kufanele babele umbonisi weSikole SeNkonzo EsingokwaseZulwini noma inceku ekhonzayo efanelekayo ukuze iqiniseke ukuthi lelifayili ligcinwa linokwaziswa kwamuva inyanga ngayinye. Nakuba ukwaziswa okukhishwa kuNkonzo Yethu YoMbuso kusesimweni sokusikisela futhi kungesiyo imithetho, isalokhu iwumthombo wokwaziswa okufanele ube ingxenye yomtapo weHholo LoMbuso webandla ngalinye. Nokho, iNkonzo Yethu YoMbuso yangesikhathi esidlule ayinaku-odwa eNhlanganweni.