IZaziso

● Isipho sencwadi sikaDecember: INcwadi Yami Yezindaba ZeBhayibheli ngomnikelo ka-R7,50. NgoJanuary noFebruary: Ukusindela Emhlabeni Omusha ngomnikelo ka-R2,50. (Amabandla angaoda izincwadi zesipho esikhethekile eNhlanganweni.) NgoMarch: IsAmbulo—Umvuthwandaba Waso Omkhulu Useduze! ngomnikelo ka-R7,50. Incwadi ethi Intsha Iyabuza—Izimpendulo Ezisebenzayo ingasetshenziswa uma ningenaso lesosipho, ngomnikelo ka-R3,75.

● ISikhumbuzo sika-1992 siyoba ngoLwesihlanu, April 17, ngemva kokushona kwelanga. Lokhu kwaziswa kusengaphambili ngosuku lokugujwa kweSikhumbuzo sika-1992 kunikezwa ngenjongo yokuba abazalwane bakwazi ukubhuka noma benze izivumelwano zokuthola amahholo lapho kunamabandla amaningi kakhulu asebenzisa iHholo LoMbuso futhi kudingeka bathole ezinye izindawo.

● Umbonisi owengamele noma othile okhethwe nguye kumelwe abale izimali zebandla ngoDecember 1 noma ngokushesha ngangokunokwenzeka ngemva kwalokho.

● Kusukela kumagazini kaJanuary 1, 1991, uhlelo oluphuma kanye ngenyanga lukamagazini weNqabayokulinda luzonyatheliswa ngesiKwanyama nangesiNdonga. Lona uyoba umagazini ohlanganisiwe, onezihloko ezifundwayo ngesiKwanyama nezinye izihloko ngesiNdonga.

● Abamemezeli abaningi bayabuza ukuthi kungani kungekho manani aboniswayo ezintweni ezikhangisayo komagazini beNhlangano. Amalungiselelo athile angokomthetho eUnited States aye enza lokhu kwaba okudingekile. Nokho, lapha eNingizimu Afrika, uma abantu befuna noma iyiphi yalezincwadi eNhlanganweni, noma uma iNhlangano icela ibandla lihlele ukuba othile ahambele umuntu onjalo, izincwadi noma omagazini kumelwe bakuhanjiselwe ngenani elivamile lomnikelo lezwe lakithi.

● Sizani niphawule ukuthi izinsuku zomhlangano wesigodi kwaManzini, eSwazini manje seziye zashintshwa zaba ngoDecember 14-17, 1990. (NgoLwesihlanu kuya ngoMsombuluko)

● Sizani niphawule ukukhuphuka kwamanani osekusebenza, futhi nilungise i“Cost List” yenu ngokufanelekile:

IBa.

Amaph. Neningi

IBhayibheli ngeziLimi zabaNsundu R8,00 R9,00

● Njengoba kunomehluko phakathi kwesimiso sokufundwa kweBhayibheli ekhalendeni lika-1991 naseSimisweni Sesikole Senkonzo Esingokwasezulwini, abazalwane banxuswa ukuba balandele ukufundwa kweBhayibheli okuseSimisweni Sesikole Senkonzo Esingokwasezulwini kunokuba balandele esisekhalendeni.

● IBethel idinga izinkonzo zomhlengikazi okufundele. Siza ubhalele iNhlangano ucele ifomu lesicelo laseBethel.

● Izincwadi Ezintsha Ezitholakalayo:

IBhayibheli—Izwi LikaNkulunkulu Noma Elomuntu? —NgesiPanishi