Imihlangano Yokusisiza Ekwenzeni Abafundi
ISONTO ELIQALA NGOMARCH 5
INgoma 108
10 imiz: Izaziso zebandla nezaziso ezifanelekayo ezithathwe kuyiNkonzo Yethu Yombuso. Tusa ngemfudumalo abamemezeli asebebe nengxenye kakade enkonzweni yasensimini kulenyanga, futhi ukhuthaze bonke ukuba bahlanganyele ngentshiseko enkonzweni phakathi noMarch. Nikeza ukusikisela okusebenzisekayo ngokuqondene nokuhanjiswa komagazini bamuva ensimini yebandla. Khumbuza abamemezeli ngamalungiselelo ebandla enkonzo yasensimini.
20 imiz: “Yakha Ukholo Ezwini LikaNkulunkulu.” Imibuzo nezimpendulo. Lapho nixoxa ngesigaba 3, yiba nabamemezeli abaphumelelayo abanikeza behlezi ezindaweni zabo ukusikisela okukhethekile nokukhulumela ngamaphuzu okungakhulunywa ngawo angasetshenziswa enkonzweni yasensimini. Lokhu kukhulumela makulungiselelwe kusengaphambili.
15 imiz: “Ingabe WENA Uyokhonza Njengephayona Elisizayo?” Umdala onomoya wobuphayona kumelwe ahlanganise lesihloko ngemibuzo nezimpendulo.
INgoma 23 nomthandazo wokuphetha.
ISONTO ELIQALA NGOMARCH 12
INgoma 192
7 imiz: Izaziso zebandla. Umbiko wezimali, kuhlanganise namazwi eNhlangano okubonga nganoma imiphi iminikelo ethunyelwe phakathi noFebruary. Tusa ibandla ngemfudumalo ngokusekela kwalo umsebenzi woMbuso ngeminikelo yalo yezimali. Bukeza amalungiselelo ebandla enkonzo yasensimini, futhi ukhuthaze abamemezeli ukuba ngempela-sonto basebenze namaqembu ababelwe kuwo. Khumbuza ibandla ukuthi inkulumo ekhethekile iyonikezwa ngoMarch 25. Bhekisela esazisweni esikuyiNkonzo Yethu Yombuso kaJanuary 1990.
18 imiz: “Ukushumayela Izindaba Ezinhle—Ngobuhlakani.” Imibuzo nezimpendulo. Ngemva kokucabangela isigaba 3, yiba nemiboniso emibili emifushane ebonisa indlela yokuvumelanisa intshumayelo nezimo zomninikhaya. Imiboniso ingaphela lapho lokhu sekufeziwe, ngokuvamile phakathi noma ngokushesha ngemva kwesethulo.
20 imiz: “Isimiso Esisha Sokwakhiwa KwamaHholo OMbuso.” Ingxoxo yemibuzo nezimpendulo ngesenezelo kusuka ekuqaleni kuya esihlokwaneni esithi “Isikhwama SeNhlangano SamaHholo OMbuso—Indlela Esizosebenza Ngayo.”
INgoma 225 nomthandazo wokuphetha.
ISONTO ELIQALA NGOMARCH 19
INgoma 208
5 imiz: Izaziso zebandla. Hlanganisa namalungiselelo enkonzo yasensimi yangempela-sonto.
15 imiz: “Isikhathi Somsebenzi Owandisiwe.” Ingxoxo yesihloko ngemibuzo nezimpendulo. Yisho inani lasebebubhalisele kakade ubuphayona obusizayo ngoApril nangoMay. Lapho nixoxa ngesigaba 5, bhekisela kuyiNkonzo Yethu YoMbuso kaFebruary 1990 esihlokweni esithi “Ukuqokonyiswa Komagazini Abavelele.” Bukeza kafushane amaphuzu okungakhulunywa ngawo kuyiNqabayokulinda ka-April 1 uma isifikile. Khuthaza bonke ngemfudumalo ukuba bacabangele amathuba okwandisa umsebenzi wasensimini ngokuqondene nelungiselelo lenkulumo ekhethekile nokugujwa kweSikhumbuzo kanye nayo yonke inkathi yezinyanga ezimbili.
25 imiz: “Isimiso Esisha Sokwakhiwa KwamaHholo OMbuso.” Ingxoxo yemibuzo nezimpendulo ngesenezelo kusukela esihlokwaneni esithi “Isikhwama SeNhlangano SamaHholo OMbuso—Indlela Esizosebenza Ngayo” kuya ekugcineni.
INgoma 46 nomthandazo wokuphetha.
ISONTO ELIQALA NGOMARCH 26
INgoma 126
10 imiz: Izaziso zebandla. Izindaba Ezingokwasezulwini. Khuthaza bonke abangase bakwazi ukuba bahlanganyele enkonzweni yasensimini kulempelasonto. ISonto wusuku lokuqala kuApril nolokuqala kokuhanjiswa kwesikhokhelo seNqabayokulinda. Bonke abazobe bephayona ngoApril kufanele babe sebewalethile amafomu ezicelo, atholakala kumbonisi owengamele. Uma isikhathi sivuma, sikisela izintshumayelo ezifanelekayo zomagazini bamuva.
15 imiz: “Ukuqhubeka Nenkonzo Yethu Singayeki.” Imibuzo nezimpendulo. Yiba nomzalwane ofanelekayo ofunda izigaba. Abanye ezilalelini bangafunda futhi bakhulumele imibhalo ekhonjiwe. Yenza ukwaziswa kusebenze ebandleni, usiza abazalwane ukuba babhekane nezinkinga abahlangabezana nazo ensimini futhi bagcine isimo sengqondo esiqondile. Bonke kufanele bazimisele ukukhonza uJehova ngentshiseko kuze kube sekugcineni.
10 imiz: Phindela Ukuze Ushukumise Isithakazelo Esengeziwe. Khuthaza abamemezeli ukuba benze izimpindelo ngokushesha kubo bonke ababonise isithakazelo encwadini ethi Izwi LikaNkulunkulu. Ngemva kwengxoxo emfushane yesidingo nesikhuthazo esifudumele sokuba wonke umuntu aphindele lapho kuboniswe khona isithakazelo, yethula umboniso owodwa noma emibili emifushane ebonisa indlela yokwenza impindelo lapho kwakuhanjiswe khona lencwadi entsha.
10 imiz: Hambisa Izikhokhelo ZeNqabayokulinda. Xoxa kafushane ngokubaluleka kwesikhokhelo seNqabayokulinda kubo bonke abayoba abafuni bokuphila ezweni elisha likaJehova. Yenza umboniso wokuhanjiswa kwesikhokhelo. Lapho besebenzisa omagazini beNqabayokulinda baka-April, abamemezeli bangalwela ukuvusa isithakazelo ngokuveza ukuthi ngokushesha uNkulunkulu uzoletha ukuthula. IHubo 72:7 lingasetshenziswa ukubonisa ukuthi iZwi likaNkulunkulu lithembisa ukuthula. Abathandi bokuthula bayokhuthazeka ngokubona isithembiso esikumaHubo 37:10, 11 sokuthi ukuthula kweqiniso kuzofika ngokushesha. Uma isikhathi sivuma, yenza nomboniso omfushane oqondile wokuhanjiswa kwesikhokhelo.
INgoma 71 nomthandazo wokuphetha.