Inkulumo Yeningi Ekhethekile

Ubani Okufanelekelayo Ukubusa Isintu?

Imuphi umbusi

• ongaxazulula izinkinga zomnotho, aqinisekise ukuthi bonke abantu bathola inala yokudla nezindlu ezifanele?

• ongavimbela izinhlekelele zemvelo, asindise abantu embubhisweni ebangelwa ama-tsunami, iziphepho, noma ukuzamazama komhlaba?

• ongaqeda zonke izifo, aze abuyisele nabagugile ebungqabavwini bobusha?

• ongaqeda zonke izimpi, asize izikhonzi zakhe ukuba zihlale ngokuthula nangokulondeka?

• ongabuyisela imvelo yomhlaba esimweni esiphelele, aguqule umhlaba ube ipharadesi?

Munye kuphela uMbusi ongaletha zonke lezi zibusiso. Ungubani lo Mbusi? Lowo mbuzo uzophendulwa enkulumweni yeningi enesihloko esithi “Ubani Okufanelekelayo Ukubusa Isintu?” Le nkulumo yeBhayibheli izonikezwa emhlabeni wonke emazweni angaphezu kuka-230. Ezindaweni eziningi, izonikezwa eHholo LoMbuso LoFakazi BakaJehova lendawo ngeSonto, April 6, 2008. OFakazi endaweni yakini bayokujabulela ukukunikeza isikhathi nekheli lendawo. Umenywa ngemfudumalo ukuba ube khona.